Inatsisartut ataatsimiittarfiat
D: Nutaamik ataatsimiittarfiliortoqartariaqanngilaq - aningaasat inuiaqatigiinnut atorneqarlik
Inatsisartut nutaamik ataatsimiittarfiliornissaat Demokraatinit isumaqatigineqanngilaq, aningaasat allanut atorneqarsinnaasut isumaqarput
Inatsisartut ataatsimiittarfiliornissaanut aningaasat atorneqartussat pitsaanerusumik atorneqarsinnaasut Demokraatit isumaqarput.
Partiimi siulittaasup Anda Uldumip isummani attatiinnarpaa.
- Aqqaluup Aneerasaartarfiani Inatsisartut ataatsimiittarfittaassaannut Demokraatit naaggaarniarpugut. Aamma allanut inissiivissanut sumiikkaluartunulluunniit siunnersuutigineqarumaartussanut naaggaarniarpugut. Naaggaarparput taamaattumik illorsualiortoqarnissaa, tusagassiutinut nalunaarummi Anda Uldum allappoq, nangipporlu:
- Siumut, Inuit Ataqatigiit, Atassut aamma Partii Inuit isumaqarput isumassarsiatsialaasoq Inatsisartut ataatsimiittarfittaassaannut 300 million koruunit tungaanut atussallugit.
Aningaasat uunga atorneqassapput
Aningaasat pitsaanerusumik atorneqarsinnaasut Demokraatinit isumaqarfigineqarpoq.
- Demokraatini isumaqarpugut, meeqqat atuarfiini atuartut, ilinniartitsisut inuinnaallu angerlarsimaffii politikerit assigiinngitsut ataqqeqqullutik pisariaqartitaannut naleqqiullugit salliutinneqartariaqartut.
Inatsisartut ukioq kingulleq ukiaanerani ataatsimiinneranni Demokraatit aamma Inatsisartut ataatsimiittarfissaannik sanaartornissamut isumaqataanngillat. Partiit allat pilersaarummut akuersisut, Demokraatit akuersaarnatik taasipput.
- Sapaatip akunnerata naanerani akerliussutsimik takutitsineq sakkortuumik partiinut allanut takutitsivoq inuit ikittuinnaat iluaquserniarlugit ersoqatigiiffiunngitsumik akimaniakujunneq piinnarlugu illorsualiorniarneq unitsittariaqartoq. Peqataanik erseqqissarusupparput, Demokraatini isumaqaratta, sapaatip akunnerata naanera akerliussutsimik takutitsinermi Aqqaluup Aneerasaartarfiani inissiinissaq kisimi akerlerineqanngimmat aammali assiganik akerlerineqarmat illorsualiorniarneq, Demokraatit siulittaasuat oqarpoq.