namminersulivinneq

D: Naalakkersuisut namminersulivinnermut apeqqummut akiumanngillat

Naalakkersuisunut ilaasortat, Aqqaluaq B. Egede aamma Suka k. Frederiksenillu suna aallartinnerlugu naluaat, Demokraatit isumaqarput

Naalakkersuisunut ilaasortat, Aqqaluaq B. Egede aamma Suka k. Frederiksenillu suna aallartinnerlugu naluaat, Demokraatit isumaqarput

- Aqqaluaq B. Egede aamma Suka k. Frederiksen namminersulivinnissaq aningaasaqarnikkut qanoq kinguneqassanersoq akiumanngilaat.

Demokraatit siulittaasuat Randi Vestergaard Evaldsen, allakkatigut Naalakkersuisunut apeqquteqarnermi kingorna taama oqarpoq.

Atuaruk: Demokraatit: Namminersulernissaq siunissami ungasinnerusumiippoq

Namminersulivinnissaq pimoorunneqanngitsoq
Naalakkersuisoqatigiinnissamut isumaqatigiissummi 'Kalaallit Nunaata namminersulivinnissaa allaqquttussaajunnaarpoq' ilaatigut allaqqavoq. Naalakkersuisunngortullu namminersornermut naalakkersuisoqarfimmik pilersitsipput.

- Akissutilli arlallit Suka K. Frederiksenimeersut aamma Aqqaluaq B. Egedemeersut ersersippaat Naalakkersuisut namminersulivinnissaq uppererpianngikkaat taamaattumillu apeqqutit pingaarutillit aningaasarsiornermut, innuttaasut pisinnaatitaaffiinut, tungiuinermut Danmarkimiillu bloktilskudimut tunngasut akineqarsimanngillat, taanna erseqqissaavoq.

Atuaruk: D: Susassaqarfiit sooq taama amerlatigippat?

Akissutissarsinngitsoq
Taamaattumik Suka K. Frederiksenip aamma Aqqaluaq B. Egedep namminersulivinnissaq uppernarpianngitsutut isigimmassuk, Demokraatit tupaallaatigaat.

- Piviusulli isip saaniilermata artornartullu aalajangingassat tungiuinermut, innuttaasut pisinnaatitaaffiinut inuiaqatigiillu aningaasarsiornerannut tunngasut takkummata akissutissaarupput. Namminersulivinnissaq uppernarunnaarpoq isummerfigiumaneerullunilu, Demokraatit siulittaasuat allappoq.

Atuaruk: D aamma A anereerlutik: Siumut ilumini ajornartorsiorluni akerleriiffiuvoq

Inuiaqatigiit eqqorneqassapput
Kalaallit Nunaat namminersulivikkiartornersoq taanna aperivoq.

- Nalulluinnaqqissaarpara. Kisiannili ajortortaa aajuna; innuttaasut aamma naluaat. Uanga inerniliigallarnera naapertorlugu Aqqaluaq B. Egedep aamma Suka K.Frederiksenip ilisimanngilaat suna aallartissimanerlugu qanorlu naammassisassaanersoq. Inuiaqatigut pilliutigalugit, Randi Vestergaard Evaldsen oqarpoq.

Powered by Labrador CMS