meeqqat atuarfiat

D: Meeqqat atuarfiat sallinngortinneqartariaqarpoq

Aningaasanut inatsisissamut isumaqatigiinniarnerit ingerlapput. Demokraatit aningaasat amerlanerusut meeqqat atuarfiannut atorniarpaat

Demokraatit aningaasat amerlanerusut meeqqat atuarfianut atorniarpaat

Meeqqat atuarfiini ajornartorsiortoqarpoq.

Sumiiffinni arlalinni init aserfallassimapput, ilinniartitsisunik amigaateqarneq takussaavoq - ingammik illoqarfiit anginerit avataanneq, atuartullu ilikkagassaraluatik pissarsiarineq ajorpaat.

Taamaattumik Demokraatit meeqqat atuarfiinut aningaasat amerlanerusut atorniarpaat.

Atuaruk: Meeqqat atuarfiannut ukioq pingaarutilik

Meeqqat atuarfiat nalilersoqqinneqassaaq kivinneqarlunilu
Inatsisartuni Aningaasaqarnermut Ataatsimiititaliami ilaasortaq, Tillie Martinussen, KNR-imut oqarpoq, tamatumani nunatta karsianit aningaasanik atuisoqarnerusariaqartoq.

- Iliuuseqartariaqarluinnarpugut, meeqqammi atuarfiat iluarsaanneqartariaqartoq, qimerloorneqartariaqartoq kivinneqartariaqartorlu tamatta nalunngilarput. Taamaammat immikkut aningaasaliissagutta meeqqat atuarfiat, meerartagut inuusuttortagullu ukkattariaqarpagut, taanna KNR-imut oqarpoq.

Atuaruk: IMAK: Ilinniarfissuup pitsaassusaa qaffasinnerusariaqarpoq

KNR naapertorlugu, Tillie Martinussenip meeqqat atuarfiata nukittorsarnissaanut aningaasat suminngaanniissanersut erseqqissumik oqaatiginianngilaa.

Taassumali naqissuserpaa, Demokraatit aningaasanut inatsisissatut isumaqatigiinniarnermut siunnersuutiminni aningaasaliissutissat suminngaanniissanersut oqaatigineqarumaartut.

Atuaruk: Nuummut atuariartarneq Ittoqqortoormiormiut maalaarutigaat

Powered by Labrador CMS