Skip to main content

Crossfittimi VM: Qiiaamminarpoq

Crossfittertartoq 40-nik ukiulik Maria Grødem Nuummeersoq ulluni makkunani 40-niit 45-t tungaanut ukiulinni nunarsuarmi crossfittertartut 20-t pikkorinnerpaat USA-mi unammivai. - Unamminerit tamaasa qiiaammernartarpoq, uunga killinnissaminut assut suliniuteqarnikuuvoq, sungiusaqatigisartagaa Inequ Holm oqaluttuarpoq.

Nunarsuarmi crossfittimi unammersuarnerit sisamanngornermi kingulliit ingerlanneqassapput. Maria Grødem maanna unamminerni assigiinngitsuni sakkortuuni ulluni marlunni unammisaqattaareerpoq. 

Ullukkullu nunarsuarmi crossfittimi nukittunerpaat akornanni VM-imi qanoq angusarissaartiginersoq paasineqarumaarpoq.

- Peqataalluni imaanaanngitsorujussuuvoq. Maannamut unamminerni ajunngitsorujussuarmi ingerlatsivoq. Unamminerni kingullerni assamminnik ingerlaartussaalluni takusinnaavara imminut naammagisimaanngitsoq. Tassani kingualaarami. Kisianni pisinnaasani tamaat pitsaasumik angusaqarniarsarivoq, Inequ Holm USA-meeqqataasoq oqarpoq. 

Kalaallit Nunaannut annertuvoq 

VM-imi unamminerit siulliit marlunngornermi nunaata nalunaaqutaa malillugu ataatsip missaani aallartipput. Tassani 40-niit 45-t tungaanut ukiulinnut unamminerit sakkortuut assigiinngitsut pingasut aallartissutaallutik. Maria Grødem ilaatigut tassani 97,5 kg tallimariarluni kivittaqattaarpaa - unamminerni tallimaasuni. 

- Kalaallit Nunaanneersugut inuit paasigaangamikkut pikkusuttaqaat. Nunatsinnut una qanoq annertutiginersoq innuttaasut amerlasuut nalugunarpaat. Maria uunga killinnissaminut suliuarsimanera tanngassimaarutigeqaara, Inequ Holm oqarpoq. 

Inernerit suli ilisimaneqanngillat

Crossfittertartut nittartagaanni Games Crossfittimi inernerit assigiinngitsut atuarneqarsinnaapput. Maria Grødem-ilu suli inernerit unamminerni assigiitsuni qanoq isikkoqarnersut ilisimanngilaa. Unamminerni inernerit assigiinngitsut Mariap isiginiassanngikkai unamminerillu naammassippata inernerit aatsaat Mariap paasiumaarai sungiusaasuminiit peqquneqarnikuuvoq. 

- Ullumikkut unammersuarnerni kingullermik peqataassaaq. Tassanilu inernerit katillugit qanoq isikkoqarnersut paasiumaarparput. Nuannisarnissaq pingaarnerusimavoq. Nuannisarpasittorlu oqaasitiginnaavara, Inequ Holm oqarpoq. 

VM crossfit uani malinnaavigineqarsinnaavoq: www.games.crossfit.com

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER