Skip to main content

Covid-19: Tunillatsittut nutaat sisamat

Nuummi tunillatsittut nutaat pingasut paasineqarput. Tunillatsittut tamarmik paaqqinnittarfinni atuarfinnilu tuniluuffiusunut attuumassuteqarput. Taakkunannga saniatigut Maniitsumi ataatsimik aamma tunillatsittoqarpoq.

Paaqqinnittarfinni pingasuni atuarfinnilu marlunni tunillatsissimasunik nassaartoqareersorlu, tallimanngornermi septembarip qulinganiit nutaanik pingasunik tunillatsittoqarsimasoq, oqartussat paasissutissiipput. 

LÆS OGSÅ: Nuummi atuarfimmi tunillatsissimasoqaqqittoq

- Nuummi tunillatsissimasut nutaat paaqqinnittarfinni atuarfinnilu tuniluuffiusunut atassuteqarput. Nunatta Nakorsaaneqarfiata nittartakkamini allappoq. 

Kommuneqarfik Sermersuumi maanna 33-inik tunillatseqqasoqarpoq. Atuarfik Samuel Kleinschmidtimi atuaqatigiiaat ataatsit, Ukaliusap atuarfianilu atuaqatigiiaat pingasut angerlartinneqarnikuupput. Paaqqinnittarfiillu Timmiaaqqat, Narsarmiutaq aamma ornittagaq Illu matoqqatinneqarput. 

LÆS OGSÅ: Tuniluuttoqartoq: Meeqqeriviit suli matoqqatinneqarput

Tunillatsittut nutaat pingasut Nuummi paasineqarnerisa saniatigut Maniitsumi ataatsimik aamma tunillatsittoqartoq paasineqarpoq. Tunillatsittoq tunillatsereersimasumut peqqinnissaqarfimmi qanimut attuumassuteqartuuvoq. 

- Innuttaasut tunillatsissimasunut attaveqarsimasut suli qanimut malinnaavigeqqissaarneqarput, oqartussat tusagassiuutinut nalunaarumminni paasissutissiipput. 

Tunillatsissimasut kisitsisai uani takukkit:

Grafik: Landslægeembedet
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER