Skip to main content

Covid-19: Sisimiuni atuarfinni klassit immikkoortinneqaqqilersut

Sisimiuni atuarfinni tuniluuttoqarnissaa pinaveersaarniarlugu meeqqat atuarfianni anitsiarfiit assigiinngisitaartinneqalerput. Nukarlerniit angajullernut isaaffissat anitsiarfiillu assigiinngisitaartut sapaatip akunnera atorneqassapput.

Minngortunnguup Atuarfiani aamma Nalunnguarfiup Atuarfiani atuartut maanna assigiinngitsunik anitsiartarfeqalilerput. Atuartut akornanni tuniluuttoqarnissaa pinaveersaartinniarlugu kommunip anitsiartarfiit assigiinngitsuunissai aalajangiuppaa.

- Anitsiartarfiit assigiinngillaq. Tassa meeqqat ullaakkut piffissani assigiinngitsuni isaatsinneqartassapput aamma anitsiartarfiit piffissani assigiinngitsuni aaqqissorneqarnikuupput. Tassa imaappoq nukarlerni trinnit angajulliillu ataatsikkut anitsiarsinnaapput trinnillu sinneri piffissani assigiinngitsuni anitsiartassapput, ilinniartitaanermut pisortaq, Else Finne taama Sermitsiaq.AG-mut nassuiaavoq. 

Tuniluunneq meeqqaniit ernummatigineqartoq

Aaqqissuusineq kommunimiit aalajangiunneqarpoq atuartut ullaakkut ataatsikkut takkunnerminni tuniluusinnaanerat pinaveersaartinniarlugu. Illoqarfimmi tunillaasuuttoqarnerani meeqqat ernumasut takussaalersimapput, taamaammat anitsiartarfiit assigiinngitsut kommunip atuutsilerpai. 

- Maanna sapaatip akunnera taama ingerlagallassaagut. Ullumimiit tallimanngorneq tikillugu. Maannami klassit arlallit tunillatsittoqarsimaneranit eqqugaaqqapput. Taamaammat anitsiarnerni piffissarititat assigiinngisitaalerpagut, Else Finne oqarpoq. 

Sisimiuni ullumi tallimanngornermi arfineq-marluk nutaat tunillatsissimasut paasineqarput. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER