Covid-19-imik tunillatsissimasut pingasut uninngasut
Ulluni sisamani uninngasoqanngereersorlu, coronavirusimik tunillatsissimasut pingasut sisamanngormat napparsimmavimmi uninngalerput.
Covid-19-imik tunillatsissimasut pingasut napparsimmavimmi tallimanngormat unitsinneqarput. Pineqartut tamarmik Nanortalimmiipput.
Covid-19-imik tunillatsissimasunik ulluni sisamani uninngasoqanngereersorlu, maanna pingasunik uninngasoqalerpoq.
Nunatta nakorsaaneqarfiata ilisimatitsissutigaa uninngasut pingasut nappaat ajoqusernerluunniit alla pissutigalugu uninngasut, tunillatsissimaneralli paasineqarsimasoq.
Nakorsaaneqarfiup ataasinngorneq 14. marts nalunaarutigaa ukioq manna siullermeertumik Covid-19-imik tunillatsissimasunik uninngasoqanngitsoq.
Sisamanngorneq 17. marts nuna tamakkerlugu PCR-imik misissuinerit 61-it misissorneqarmata qulit tunillatsissimasut paasineqarput. Taamaasilluni PCR-imik misissuinerni tunillatsissimasut paasineqartartut procentitigut suli annikipput.
