Coronavirusi pillugu tusagassiortunik katersortitseqqinneq
Naalakkersuisut Siulittaasuat nunatsinnilu nakorsaaneq coronavirusi pillugu pingasunngornermi tusagassiortunik katersortitsinissamut ullup-qeqqartoq qaaqqusisimapput.
Annonse
Naalakkersuisut Siulittaasuat Kim Kielsen Nunatsinnilu Nakorsaaneq Henrik l. Hansen, pingasunngornermi ualikkut ataatsimut tusagassiortunik katersortitsinissamut qaaqquseriataarsimapput.
Qaaqqusissummi suna oqaluuserineqarniarnersoq allassimasoqanngilaq, Sermitsiaq.AG-lli paasissutissaatai naapertolrugit coronap ajornartorsiutaaneranut tunngassuteqartut saqqummiunneqarniarput.
Sermitsiaq.AG-mit soorunami tusagassiortunik katersortitsineq malinnaaffigineqassaaq.
Piffissami sivisuumi tunillatsittoqarsimanani sapaatiummat unnukkut saqqummiunneqarpoq, Aasianni innuttaasoq ataaseq coronavirusimik tunillatsissimasoq.