Coronavirus pillugu matugallartoqarnerani angerlarsimaffinni persuttaanerit amerlisut

Qimarnguik arnanit persuttarneqarsimasunit amerlanerusunit ulluni makkunani saaffigineqartarpoq. Saaffiginnittullu amerlanerulernissaat naatsorsuutigineqarpoq.

Danmarkimi qimarnguiit sapaatit akunnerata siualiani nalinginnarmit marloriaammik saaffigineqarnerusimallutik nalunaarput. Nassuiaatigineqarpoq pisut sakkortuneruleriartoraangata persuttaasoqarnerulersartoq. Ilaqutariillu ulloq unnuarlu qimanngivittussanngormata, angerlarsimaffiup iluani pisut sakkortusiartortut amerlanerulerput. Nuummi tamanna aamma maluginiarneqarpoq.

- Inuit meeqqatik angerlarsimaqatigiinnavileraangatikkit, uippakajaarneq anneruleriartortarpoq, Meeqqat Ilaqutariillu pillugit Ingerlatsivimmi pisortaq, Martha Lund Olsen Sermitsiaq.AG-mut oqarpoq.

Taama inissinneq tupaallannanngilaq

- Ernumanarpoq qimarnguinnut saaffiginnittut, angerlarsimaannalernissamik oqariartortoqarneraniit sapaatip akunneraanngitsorluunniit taama amerlanerutigilereermata. Sapaatip akunneri tullii ajornerusumik inissisimasoqalernissaa ernumagaarput, oqarpoq.

Saaffiginnittulli amerlanerulerneri kommunimit tupaallaatigineqanngilaq, nunammi avannarliit taama inissisimalereersut takusinnaasimavaat, pisortaq nassuiaavoq.

- Taama pisoqarnissaa piareersimaffigisimavarput. Inissat amerlinissaannut periarfissanik misissuisimavugut, oqarpoq.

Coronap nalaani init ikippallaartut

Saaffiginninnerit amerlinerisa saniatigut tunillaassuuttoqalernissaa pinngitsoortinniarlugu inini innisimasut ikilisinneqartariaqarsimapput.

Ikiugassaavit

Arnat qimarnguinni unnuerusuttut najukkamut uunga saaffiginnissapput:

C.P. Holbøllsvej 8.

Qimarnguimmi pigaartumut sianerfissaq: 55 46 47

Qimarnguimmi inissat maanna quliupput, tamarmilli atorneqarlutik.

Ulluinnarni saaffiginnittut taama amerlatigineri nalinginnaasuunngilaq. Taama amerlatigisut saaffiginnittarnerat sapaatit akunnerisa naaneranni pikkajuppoq. Pissutsillu allanngornissaat maanna ilimagineqanngitsoq, pisortaq ilisimatitsivoq, ilisimatitsillunilu Meeqqat Ilaqutariillu Ingerlatsivia aalajangersimasoq init amerlaninngortinniarlugit ininik attartortoqassasoq. Init taakku illoqarfimmi adressemi allamiipput.

- Sumiiffik attartugarput arnanut arfinilinnut inissaqartitsivoq, pisariaqalissappallu amerlanernik attartornissatsinnut piareersimavugut, pisortaq oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS