Coronavirus atuukkaluartoq kinguppanniarneq ingerlaannassaaq
Polar Seafood Kinami coronavirus atuukkaluartoq kilisaatinik kinguppanniutinik nunamukartitsinissamik pilersaaruteqanngilaq
- Kinami coroanvirusip siaruaakkiartornera Kinamut tunisaqartarnitsinnut maannamut kinguneqanngilaq, Polar Seafoodip siulersuisuini siulittaasoq Henrik Leth Sermitsiaq.AG-mut ilisimatitsivoq. Tamanna pissutigalugu kinguppanniarneq allanngortinneqanngilaq.
Bekymrende
- Psioq malinnaavigeqqissaarparput, soorunami susoqarsinnaanera ernunamarsinnaavoq. Kiniiserit ikinnerit tunillatsinnissartik annilaagangalugu neriartortalerpata, kinguppaat nerineqarpallaarunnaassapput. Tamatumali uagutsinnut qanoq kinguneqarsinnaanera oqaatigissallugu suli siusippallaarpoq, Polar Seafoodip siulersuisuini siulittaasoq erseqqissaavoq.
Taassuma oqaatigaa, Kinami centralbanki aalajangersimasoq, atuineq ingerlaannaqqullugu Kinap aningaasaqarneranut 174 milliarder dollarsinik aningaasaliiniarluni. Taamatut iliuuseqarneratigut virusip siaruaakkiartornerata kingunerisinnaasai unikaallatsinniarneqarput.
Royal Greenlandimi pisortaaneq Mikael Thinghuus, Kinami pisoq pillugu fædevarewatch.dk-mut oqarsimavoq:
- Coronavirusi qanikannersumi aatsaat atuutilermat, annertunerusumik oqaaseqaruminaappoq. Kinamili niuertarnerput, uagutsinnut annertooq sunnersinnaavaa," Mikael Thinghuus oqarpoq.
Milliardinik kaaviiaartitaqalerusunneq
Kinamut niuertarnermi én milliard koruuninik kaaviiaartitsisalernissaq anguniagaavoq.
- Kiniiserit 60-ingajaat maani Kalaallit Nunaanni sulisorivavut, taakkunganngalu qulit sulinngiffeqarlutik maanna Kinamiipput. Pilersaarutit uniorlugit tikinngitsuussagaluarpata kinguaattoortoqarsinnaavoq, sulisulli sinneri 50-it maaniittut, soorunami nunaminni ilaquttatik ernumagalugit aamma sunnerteqqapput, Mikael Thinghuus fødevarewatch.dk-mut oqarpoq.