Skip to main content

Coronartut kuvøsiat nunatsinnut

Aappassaanik tuniluunnissamut upalungaarsarnermi: Kalaallit Nunaanni Covid-19-imik napparsimasut qimagussuunnissaannut atortussaq Illersornissaqarfiup inissippaa.

Danmark ikiuunnissaminut piareersimavoq, Kalaallit Nunaanni Coronamik nappaalaneq siullermerniit sakkortunerusumik atugaalissagaluarpat, qaammatini aggersuni inuiaqatigiit avammut ammaanneqarpata.  Danmarkimi naalakkersuisut, peqqinnissaqarfimmi oqartussaasut Illersornissaqarfillu Namminersorlutik Oqartussat peqatigalugit pilersaarusiorsimapput, qanoq ikiuuttoqarsinnaanersoq Kalaallit Nunaanni peqqinnissaqarfik annertuumik tatineqassagaluarpat. Aviisi AG allappoq.

Jyllandimi Flyvestation Karupimi ulluni makkunani Danmarkimi illersornissaqarfiup coronartut kuvøseanik taaneqartartut sisamat inississimavai. Covid-19-imik nappaatillit ingerlannissaannut karsiupput, taamaalillutik timmisartumik qimagussorneqarsinnaallutik inuttat imaluunniit nakorsat peqqissaasullu ingiallortaasut tuniluunnissaannut aarlerinaateqarani. Epi-Shuttlemik taaguuteqarpoq, Sakkutuut timmisartortut timmisartuini Herculesimi Challengerimiluunniit inissinneqarsinnaasoq. Ilimanarpoq aamma Air Greenlandimi S-61-ini inissinneqarsinnaanissaat.

- Kalaallit Nunaanni Epi-Shuttlemik inissiissaagut taamaattup tigunissaanut piareertoqarniariartorlu, oberstløjtnant Martin Birkedal Nielsen Atuagdliutinut oqarpoq. Atortussaq sumi inissinneqassanersoq suli tusagaqarsimanngilaq, ilimagaali Nuummiissasoq.

Sulisut ilinniartinneqassapput​​​​​​​

Epi-Shuttle akiutaavoq 2,5 meterinik takissusilik plexiglasimik matulik napparsimasumik mattussivittartumik. Matoqqavissup iluani annikitsumik naqitsinikippoq timmisartup iluani annikitsumik naqitsinertulluni, taamaalilluni virusip aniannginnissaa qulakkeerneqarluni.

Peqqinnissaqarfimmi sulisut qimagussuinermi napparsimasoq attavigisinnaavaat attavigisinnaallugulu, ammaneqarmat gumminik aaqaserlutik sulisut atorsinnaasaannik. Napparsimasoq kuvøsemiittoq ambulancemik timmisartumillu angallanneqarnini tamaat kuvøsemiissaaq.

- Napparsimasut kuvøsemiittut toqqissillutik peqqissaaviliaanneqassapput, Region Midtjyllandimi peqqinnissaqarnikkut upalungaarsimasuni pisortaq Bo Elbæk Pedersen Danmarks Radiomut nassuiaavoq, nunap immikkoortuata Illersornissaqarfiullu qaammammi kingullerni coronamut kuvøsit saqqummiummatigit.

Ilanngutassiaq tamaat AG-mi atuaruk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER