Corona: RAL-ip assartuinermi suleqateqarnissaa nalorninartorsiortoq
Coronap tuniluunnera pissutigalugu, Eimskip Aarhusimit assartueqataalluni qaqugu aallartinneqarnissaa nalornissutigineqalersimavoq
Royal Arctic Linemit qangali pilersaarutaasimavoq, Arhusimit aallartarnissaq aallarnerlugu umiarsuaq apriilip qulingani aallassasoq, Nuummullu apriilip 17-iani tikilluni, coronali pissutigalugu angalasarfissatut pilersaarutip nutaap qaqugu aallartinneqarsinnaanera nalornissutigineqalersimavoq.
- Pissutsinik nalilersuijuarpugut, qaqulugu aallartissanersoq inissinneqarpat nalunaaruteqarumaarluta, attaveqaqatigiinnermi nittarsaassinermilu pisortaq Ann-Britta A. Olsvig ilimatitsivoq.
Umiarsuit allat pilersaarutit malillugit angallassisassasut
Taassuma ilanngulugu oqaatigaa, tuniluuttoqarsinnaanera annikinnerpaaffianiitinniarlugu, Royal Arctic Linemi ingerlaannartumik atuutilersumik, Aalborgimi Booking & Kundecenter matuneqarsimasoq, sulili sullissivik mailikkut sianerlunilu saaffigineqarsinnaasoq.
- Pingaaruteqarpoq erseqqissaatigissallugu, umiarsuit tamarmik pilersaarutit malillugit angalasussaammata, aamma umiarsuaq ataaseq Covid-19-imik tunillatsiffiussappat, upalungaarsimanissamut pilersaaruteqarpugut.
Tuniluuttoqarsinnaanera annikillisarniarlugu Royal Arctic Linep umiarsuaataanni inuttat ullunit tulliuttuni 14-ini nikissanngillat.