Skip to main content

Coronaqartoqarnera pissutaalluni qimminut akiuussutissat amigaatigineqartut

2021-mi qaammatit marluk siulliit Kulusummi qimminut akiuussutissalersuiniarneq unammillernartortaqarsimavoq. Akiuussutissat inniminnersimasat nunarsuarmi covid-19-ip atungaanerani nunatsinnut tikisinniarneri ajornakusoorsimapput.

Kommuneqarfik Sermersuup Tasiilami eqqaanilu qimmit qimuttut akiuussutissalersortinneqartarnissaannut peqqumaateqartuarnissaq sulissutigaa.

Ukioq mannali qaammatit marluk siulliit akiuussutissanik kapuutinik peqqumaateqartitsinissaq ajornaatsuinnaasimanngilaq, taamaattumillu Kulusummi qimmit akiuussutissalersorneqarneri naammassisimanatik. Qimmilli maanna akiuussutissamik kaporneqalereerput.

Kommuneqarfik Sermersuumi ingerlatsinermut avatangiisinullu ingerlatsivik ilisimatitsivoq.

Qimmit inatsit malillugu akiuussutissalerneqarsimanngitsut pissutigalugit Tasiilami eqqaanilu qimussertartut Avannaata Qimussersuini Ilulissani ingerlanneqartussami peqataasinnaajunnaartinneqarput.

Corona pisuuvoq

- Kulusummi qimmit qimuttut akiuussutissamik kaporneqarnissaannut pilersaarut 2021-p kuartiani siullermi unammillernartoqarsimavoq. Sulisussaqarneq aamma nunarsuarmi covid-19-ip unikaallatitsinera pissutaalluni akiuuussutissanik tikittoorniarneq tassani ajornartorsiortitsisimapput, Ivan Falck Petersen, kommunimi ingerlatsinermi pisortaq ilisimatitsivoq.

Nunatsinni uumasunut nakorsaaneqarfik Namminersorlutik Oqartussaniittoq mailikkut ilisimatitsivoq Tasiilamiit qimminut akiuussutissanik kingullermik piniartoqarsimasoq 18. februar.

- Kulusummi qimminut akiuussutissalersuinerit maanna aallartinneqaqqipput, qimmilerisumillu atorfinitsitsisoqareerluni ilinniartitsinerit aallartissimalerlutik, ingerlatsivik ilisimatitsivoq.

Kommuneqarfik Sermersuumit erseqqissarneqarpoq qimminut akiuussutissat naammannersut ukiumi kuartikkaaraluni missingersorneqartartut, qimmiutillit naammattunik peqqumaateqartinneqarnissaat qulakkeerniarlugu.

Aasianniit Qimussersuinut peqataasoqassanngitsoq, knr.gl aamma nutaarsiassiisimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER