Coronapasinik misissuinissamut Nuummi festivali piareeqqavoq
Corona pissutaalluni ukioq ataaseq Akisuanerit Festivalertoqanngereersorlu maanna festivalertoqalerpoq. Coropasinik misissuinissamut paarsisoqarumaartoq, aaqqissuisut paasissutissiissutigaat.
Naqqiineq nal. 17.00: Sapaami tusarnaartitsisoqassanngilaq, arfininngornermilu akeqanngitsumik meeqqanut inuusuttunullu 10-iniit 17-it tungaanut ukiulinnut tusarnaartitsisoqassaaq. Don Maliko aamma FINNi tusarnaaneqarsinnaapput
Ulf Fleischer, Zikaza aamma Mariina ilaatigut unnugu Inuussuvimmi qitiffigineqarsinnaapput erinarsoqataaffigineqarsinnaallutillu.
Aatsaavissuaq tusarnaartitsinersuaq Inussivimmi aaqqissorneqarpoq nalinginnaasumik Katuami appisimaarnerit pisarnikuummata.
Tusarnaartitsineq unnugu nalunaaqutaq 22.00 aallartissaaq, tassanilu Unnuaq Band aallarniissalluni.
Tuniluuttoqariaanaanera pissutaalluni Nuummi innuttaasut akiuussusersorneqarnikut imaluunniit coronamik tunillatsissimannginnermik takussutissaq sivisunerpaamik 48 tiiminik pisoqaasusilik kikkut tamarmik isersimaffigisinnaasaanni piumasaqaataapput.
Maleruaqqusat ippassaq sisamanngornermi sivitsorneqaraluartut, Akisuanerit Festival coronap tuniluutsinnaveersaarnissaanut piareersimavoq:
- Coronapasseqanngitsut imaluunniit tunillatsissimannginnnermik uppernarsaateqanngitsut iseqqusaanngillaq. Nakkutilliisoqarpugut misissuisussanik, Christian Elsner aaqqissueqataasoq oqarpoq.
Tusarnaartitsinissamut peqataasussat unnugu qassit bilitsisisimanersut aaqqissuisup oqaatigisinnaanngikkallarpaa.
- Unnugu aatsaat qassit peqataasimanersut takusinnaalerumaarparput, Christian Elsner oqarpoq.
Sussat aamma Ulf Fleischer unnugu ilaatigut nipilersussapput Ole Kristiansenilu naggasiilluni unnuaru nalunaaqutaq 03.00-ip tungaanut appisimaasaaq.
Don Maliko aamma Zikaza arfininngornermi ilaatigut appisimaassapput. Don Maliko FINNi-lu arfininngornermi meeqqanut inuusuttuaqqanullu akeqanngitsumi tusarnaartitsissapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...