Coronapasimik eqqunngitsumik atuillutik inuusuttuaqqat immiaaqqanik snusinillu pisisartut

Peqqissutsimut naalakkersuisoqarfiup paasivaa Nuummi inuusuttuaqqat coronapas atorlugu kinaassutsimut uppernarsaammik eqqunngitsumik atuisartut. Kinaassutsimut uppernarsaat eqqunngitsoq atorlugu imigassat snusillu pisiarineqartarsimapput.

Coronapasimi paasissutissat allanngortinnerini, meeraq 2003-mi inunngorsimasutut taamatullu 18-inik ukioqalereersimasutut allaqqatilerneqartoq. Nuummi inuusuttuaqqat taamaasiorlutik pisiniarfinni imigassanik snusinillu pisiniartarput.

Peqqissutsimut naalakkersuisoqarfiup tamanna paasivaa.

- Peqqinnissamut Naalakkersuisoqarfimmut ilisimatitsissutigineqarpoq Nuummi inuusuttuaqqat akornanni kinaassutsimut uppernarsaatitut Coronapas-imik eqqunngitsumik atuisaqattaartut. Taakku imigassarsiniarnerminni Snus-isiniarnerminnilu kinaassutsimut uppernarsaatitut atortarpaat, namminersorlutik oqartussat tusagassiorfinnut taama nalunaaruteqarput.

Coronapas tamakkiisumik akiuussusertissimanermut uppernarsaatitut atorneqartarpoq, nunatsinnili atorneqarunnaareerluni.

Meeqqasi oqaloqatigisigit

- Peqqissutsimut Naalakkersuisoqarfik pisiniarfiit allakkatigut saaffigineqarput kaammattorneqarlutillu kinaassutsimut uppernarsaat eqqortuunersoq aamma atuuttuunersoq immikkut ittumik eqqumaffigissagaat qulakkiissagaallu, namminersorlutik oqartussat allapput.

Peqqissutsimut naalakkersuisoqarfiup angajoqqaat kaammattorpai meeqqaminnik aanngajaarniutit pillugit aammalu peqquserlulluni kinaassutsimut uppernarsaammik allanngortiterinerit imaannaanngitsuuneri pillugit oqaloqatiginneqqullugit.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS