Coronap ajornartorsiortitsinera: Napparsimasut kinguartitsinernit sakkortuumik eqqugaasut

Nunarput marsip 20-annili matuneqarmalli, napparsimasut 1.026-t kinguartitsinernit eqqugaapput.

Aviisi AG taama allappoq.

- Peqqissutsimut isumaginnittut coronap ajornartorsiortitsinerata nalaani ungasianit nakorsiartitsineq imaluunniit Skype atorlugit sapinngisaminnik amerlanerpaanik suliaqarniarsaripput, taamaaliornermikkut tunillaassuussinnaaneq minnerpaaffianiitinniarlugu, attaveqaqatigiinnermut siunnersorti Susanne Mailand Lauridsen peqqissutsimut aqutsisoqarfimmeersoq taama ilisimatitsivoq, tassa coronamik ajornartorsiorneq pissutigalugu kinguartitsinerit pillugit AG-mit aperineqarami.

Napparsimasut utaqqisinnaanngitsutut naliliiffigineqartut imaluunniit ungasianit nakorsiartitsineq naammanngikkaangat, pisarnertut aggersarneqartartut, ilanngullugu oqaatigaa.

Peqqissutsimut qullersaqarfimmit akissummi oqaatigineqarpoq, napparsimasut pilatsittussat eqqugaanerpaasut, pilatsittussami qaammatini sisamani utaqqisinnaasut pilatsinnissaat kinguartinneqarmata.

Dronning Ingridip Peqqissaaviani pilattaanermik suliaqartuni, pilatsittussat 388-it missaanniittut pilatsinnissaat 2020-mi marsip qiteqqunnerani COVID-19-imut atatillugu kinguartinneqarput. Napparsimasut tamarmik misissorneqartussatut inniminniiffigineqarsimasut, pilattaanermut immikkoortortami suliaritittussat aamma napparsimasut sinerissamut angalanermi misissorneqartussat, nakorsamit misissorneqartut DIH-mit oqaatigineqarpoq.

Meeqqat inuusuttullu aamma eqqugaasartut

Meeqqat inuusuttullu tarnimikkut katsorsartinnerat aamma unikaallatsinneqarsimavoq. Tassaapput nappaatinik paasiniaarnerit. DIH-li nalunaarpoq napparsimasut psykosertutut, annilaangasartutut imaluunniit isumatsangaarsimasutut pasineqartut skype imaluunniit oqarasuaat atorlugut takuneqarsimasut.

Aviisimi AG-mi nutaami atuarnerusinnaavutit. Aviisi uani pissarsiariuk:

AG Uge 29 2020

Klik her for at læse