Skip to main content

Coronap ajornartorsiortitsinera nunarsuaq tamakkerlugu mingutsitsinermik annikillisitsivoq

Coronavirus pissutigalugu nunarsuup ilarujussuata matuneqarnerani, ilisimatuut misissuinerisa takutippaat silaannaap mingutsinneqarnera annikilliartortoq.

Satelliti atorlugu inuit sumiiffiinni allannguutinik, soorlu biileqarneq, lastbiilinik atuineq, allatigullu ikummatissanik atuinermik, misissuinerit takutippaat, Kinami Italiamilu coronavirusip tunillaassornerani mingutsitsineq annikillipiloorsimasoq.

The Washington Post naapertorlugu Kinami silaannarmut CO2-mik aniatitsineq sapaatit akunnialunni 25 procentimik annikilleriarsimasoq.

Danmarkimi aamma taamaappoq. Uuttuinerit nutaaqqinnaat, Aarhus Universitetip ataani Nationalt Center for Miljø og Energip (DCE) saqqummiussaata tamanna takutippaa.

Danskit illoqarfiini mingutsitsinikinnerulerneq

Illoqarfinni anginerusuni sisamani – Odense, Købengavn, Aarhus aamma Aalborg – silaannaap mingutsinneqarnera pingajorarterummik annikillisimavoq.

Ole Hertel, Aarhus Universitetimi, institutimi pisortap tullia silaannaallu pitsaassusaanut misissuinermi professori, Sermitsiaq.AG-mut oqaluttuarpoq uuttuiviit aalajangersimasut atorlugit uuttuinermi takuneqarsinnaasimasoq mingutsitsissutit (NOx som er summen af kvælstofdioxid (NO2) og kvælstofmonooxid (NO)) illoqarfinni anginerusuni nikeriarsimasut.

- Uuttuinerit nalilersortariaqarsimavagut, mingutsitsinerit silaannaallu pissusaa sumiiffinni assigiinnginnami, uuttuinerillu nalilersuiffigineqarsimanerat eqqumaffigisassaavoq. Ullut arlallit misissuiffigisariaqarparput, oqarpoq.

- Takusinnaavarput illoqarfinni annerusuni kvælstofoxidit (NOx) 30 procentit missaannik annikilleriarsimasut. Sumiiffinni angallattoqarpiarunnaarnera taakkunani pissutaavoq, Ole Hertel oqarpoq.

Kalaallit Nunaanni suli uuttuisoqanngilaq

Aarhus universitet nunatsinni Station Nordimi uuttuinissamik suliniut aallartissimavaa. Ilisimatuulli nunatsinniit sapaatip akunnera kingulleq aallarallartariaqarsimapput, coronavirus pissutigalugu piffissami sivisuumi angalasinnaajunnaaratarsinnaanissartik aarleqqutigigamikku, Ole Hertel oqaluttuarpoq.

- Aamma isumaqarpoq Kalaallit Nunaanni allanngortoqarsimanersoq oqaatigissallugu siusippallaartoq. Nikeriarnerit annikitsuinnarmik malunnaateqassagunarput, professori oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER