Skip to main content

Coronamut tunngatillugu malittarisassat sivitsorneqartut

Namminersorlutik Oqartussanit ilisimatitsissutigineqarpoq, inuussutissarsiortunut, pisortat suliffeqarfiutaannut tamanillu assartuisarnissamut malittarisassat juunip 15-iata tungaanut sivitsorneqartut.

Namminersorlutik Oqartussat tusagassiorfinnut nalunaaruteqarnermi ilisimatitsissutigaat, inuussutissarsiortunut, pisortat suliffeqarfiutaannut assartuisartunullu malittarisassat Namminersorlutik Oqartussat nalunaarutaatigut, nr. 13, 23. april 2020-meersutigut nalunaarutigineqartoq juunip 15-iata tungaanut sivitsorneqartut.

Malittarisassanik sivitsuineq apriilip 23-ani tamanut saqqummiunneqartoq, tallimanngormat maajip 29-ani allanngortillugu nutaamik nalunaarusiortoqarpoq (nr. 17, 29. maj 2020-meersoq).

Nalunaarut nutaaq aqqutigalugu, malittarisassat pineqartut juunip qaammataata qiteqqunneranut atuutissapput, Namminersorlutik Oqartussanit oqaatigineqarpoq. 

Nalunaarutip ilai nunamut tamarmut atuuttut:

Inuussutissarsirotut pisortallu suliffeqarfiutaasa iniutaannut kikkunnilluunniit iserfigineqarsinnaasunut piumasaqaatit: 

Inuit ininut qatserisartoqarfinni oqartussaasunik akuerineqarsimasunut isersinnaatitaasut amerlanerpaaffissaasa 50% akuerineqarsinnaapput​​​​​​​. 

Init ajornanngippat imatut pequsersorsimassapput tuniluunnissaq minnerpaaffianiitinneqassalluni, tassunga ilaalluni pisisut pulaartullu imminnut qanillinnginnissaat periarfissaqartillugu​​​​​​​.

Inimi ininiluunniit tamanit iserfigineqarsinnaasuni eqqiliusaarnissaq ileqqorissaarnissarlu pillugit Nunatta Nakorsaaneqarfianiit paasissutissanik nivinngaasoqassaaq​​​​​​​. 

Pisisunut pulaartunullu ajornanngippat imermik qaqorsaammillu imaluunniit assammut spritimik peqassaaq​​​​​​​.

Nerisassanik poortorneqarsimanngitsunik tuniniaanermi sulisut aaqqateqassapput​​​​​​​. 

Assartuutinut piumasaqaatit​​​​​​​

Angallassissutit issiaffiusinnaasut qaangerlugit ilaasoqaqqusaanngillat​​​​​​​. 

Nalunaarut tamaat atuaruk UANI

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER