Skip to main content

Coronamut ersissuteqarneq: Pisiniarfinni sulisut soraarartut

Nuummi coronamik tunillatsittoqarsimanerata kinguneranik pisiniarfinni inuussutissanik nioqquteqartartuni sulisut ingerlaannartumik suliunnaartalersimapput. SIK-p siulittaasuata ilaasortaminut kaammattuutigaa inuiaqatigiit ingerlanissaat eqqarsaatigeqqullugu.

Nuummi pisiniarfinni inuussutissanik nioqquteqartartuni sulisut arlallit coronavirusimik tunillatsissinnaanertik annilaanngatigalugu suliffimminnit soraarrassimapput. Aviisi AG allappoq. 

Brugsenip pisiniarfii Nuummiittut, Nuussuarmiittut illoqarfiullu Qinnguaniittut ulluni Covid-19-ip atuunnerani sulisunik 30-t angullugit amerlassusilinnik amigaateqarsimapput.

- Sulisuvut pisiniarfitsinnut sianertarsimapput oqaatigalugulu, Covid-19-imik tunillatsissinnaanertik annilaanngatiginerarlugu, taamaammallu suliartorsinnaanatik, Jes Nyborg Brugsenimi tunininaanermut pisortaq oqarpoq.

Nuummi Pisiffimmi allatut inissisimapput. Pingaartumik sulisut inuusuttut suliartunngittoortarput.

- Nuummi misigisarput tassaavoq, inuusuttorpassuit angajoqqaaminnit suliartoqquneqartarsimannginnerat. Sulisuvut tamarmik, inuusuttut ilanngullugit, Nuuk Centerimi pisiniarfiutitsinni pingasuusuni, maanna matoqqasuni, sulisut illoqarfimmi pisiniarfiutitta ilaani sulisinnaasutut neqeroorfigineqarnikuupput, Kathrine Bødker Pisiffimmi Sulisoqarnermut pisortaq oqaluttuarpoq.

Sulinersi ingerlatiinnarsiuk

Suliffeqarfik Pisiffik tamaat eqqarsaatigalugu, sulisut 37-t piffissami matumani suliartorneq ajorput. Taakku amerlanersaat Nuummiipput. Tamatumalu kinguneranik sulisartut kattuffiani siulittaasup Jess G. Berthelsenip ilaasortaminut oqaatigaa, inuiaqatigiinni kikkut tamarmik coronamik ajornartorsiuteqarnermi inuiaqatigiinnut ikiuuttariaqartut akisussaaffeqatigiittariaqartullu.

Ilanngutassiaq tamaat aviisimi AG-mi atuaruk. Aviisi ugguuna pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER