Coronamik tunillatsittoq: Nuunu ajorunnaarpoq
Sangusaartartoq coronavirusimik eqqugaareerluni maanna ajorunnarsimasoq ataataata nalunaarutigaa
Annonse
23-nik ukiulik Nuunu Chemnitz Berthelsen marsip arfengani coronavirusimik tunillatsissimasoq ilisimatinneqarpoq.
Coronavirus maanna qaangersimagaa, ataataata Jens-Kristian Berthelsenip, Sermitsiaq.AG-mut ilisimatitsissutigaa.
- Ulluni qulini isersimareerluni, coronavirusimik misilitsereerluni, misiliutit marluk maanna coronaviruseqanngitsoq ersersippaat. Taamaasilluni coronavirusi qaangerpaa, Jens-Kristian Berthelsen oqarpoq.
Nuunu Chemnitz Berthelsen Italiap avannaani illoqarfimmi Monguelfomiippoq.
- Soorunami ernumanikuuvugut, taamaattumik coronamik qaangiinera nuannaarutigaarput. Qanoq angerlarsinnaanera maanna misissuleruttorparput, oqarpoq.