Corona: Coronartunik marlunnik toqusoqaqqippoq
Maniitsumi utoqqaat marluk Covid-19-eqartut martsip pingajuani toqukkut qimagupput. Maanna Covid-19-imik imaluunniit Covid-19-eqarlutik toqusut katillugit 20-upput.
Peqqinnissaqarfiup PCR-testit arfinillit sisamanngornerup tallimanngornerullu akornanni misissorpaat. Misissorneqartut affai anillatsissimapput.
Maniitsumi utoqqaat marluk Covid-19-eqarlutik napparsimavimmi uninngasut martsip pingajuani toqusimasut, nunatta nakorsaaneqarfiata paasissutissiissutigaa.
- Maniitsumi toqukkut qimaguttut saniatigut, Covid-19-eqarlutik uninngasut marluk angerlartinneqarput. Maniitsumi ataaseq Ilulissanilu ataaseq angerlarsinneqarput. Taama nunatta nakorsaaneqarfiata nittartakkamini allappoq.
Nuna tamakkerlugu uninngasut sisamat
Nuna tamakkerlugu Covid-19-eqarlutik uninngasut tallimanngornermi nalunaaqutaq sisamanut sisamaapput. Illoqarfinni ukunani ataatsimik uninngasoqarpoq, Maniitsumi, Sisimiuni, Nanortalimmi Nuummilu. Peqqinnissaqarfik Diskomi Avannaanilu tunillatsissimasunik uninngasoqanngilaq.
- Uninngasut marluk Covid-19 pingaarnertut peqqutigalugu uninngapput (Kategori 1).
- Uninngasut arfineq-marluk Covid-19 pingaarnertut nappaatiginagu uninngapput. Taakkununnga covid-19 uninnganeranut annertunerusumik sunniuteqanngilaq (Kategori 3). Nunatta nakorsaaneqarfia kisitsisit nutarterneqarnerini taama paasissutissiivoq.