Skip to main content

Corona: Biskoppinngortitsinissaq piffissaligaanngitsumik kinguartinneqartoq

Coronap maanna tuniluunnera pissutigalugu ilagiinni pisartut annersaasa ilaat, tassalu biskoppinngortitsisarneq kinguartinneqarpoq.

Biskoppinngortitsinissaq siullermik 2020-mi novembarip 22-ani pisussaagaluarpoq, coronamut atatillugu killilersuinerit pissutigalugu ukioq manna aggustip aallaqqaataanut kinguartinneqarsimavoq. Ileqquusumillu biskoppinngortitsisarneq maanna kinguarteqqinneqartariaqarsimavoq, matumani inuit 20-innaat katersuussinnaatitaanerat pissutigalugu tamanna ingerlanneqarsinnaanngimmat.

- Biskoppinngortitsinissaq ilagiinni pisussat annerpaat ilagisussaammassuk kissaataavoq ulloq nalliussineqassasoq periaatsit tamatumani ileqquusut nalinginnaasut naapertorlugit, sapinngisamillu ilagiinniit annertuumik peqataaffigineqartumik, tamannalu pissutsit maanna atuuttut iluanni ajornarluni, ilageeqarnermut naalakkersuisoqarfik Bikoppeqarfimmik isumasioqateqareerluni allappoq.

Ulluliisoqarsimanngitsoq

Ilisimatitsissutigineqarpoq biskoppinngortitsinissamut ulluliisoqarsimanngitsoq, piffisaligaanngitsumilli kinguartitsisoqarsimasoq.

- Soorunami assut uggornarpoq aammaarluta biskopinngortitsinissaq kinguartittariaqaratsigu. Amerlavugut ullormut nalliussisassatsinnut qilanaarsimasut, kisianni pingaaruteqarpoq nunatsinni ilagiit nutaamik biskopinngortitsinissatsinni nalliuttorsioqataanissaat, piffissamilu matumani nalorninaateqarmat tamanna pisinnaanersoq, Biskoppeqarfik isumasioreerlugu pisussaq kinguartipparput, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.

Paneeraq Siegstad Munk 2020-mi oktobarip qaammataani biskoppinngorniartut sisamat akornanni toqqarneqarsimavoq, taamanikkullu taasisut affaannit taaneqarsimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER