Corona: Avannaata Qimussersua unitsinneqarpoq
Uummannami qimussertartut peqatigiiffiata, Qimusseq 85-ip Avannaata Qimussersuanik aaqqissuisuusussaatitaanini tigummiumajunnaarpaa, taamaasillunilu Uummannami unammersuarnissaagaluaq taamaatillugu.
Obs. Allaaserisaq allanngortinneqarpoq, kangiani qimussersuaq pillugu paasissutissat ilanngunneqarmata.
Avannaata Qimussersua ukioq manna ingerlanneqassanngilaq.
Qimusseq 85 Uummannameersoq, Avannaata Qimussersua 2020-mik aaqqissuisuusoq nalunaarpoq, unammersuarnissaq taamaatinneqartoq.
- Avannaata Qimussersua 2020 taamaatinneqarpoq, coronavirusertoqarnera paasineqarmat. Qimusseq 85-ip Avannaata Qimussersuanut aaqqissuisuusussaanini kattuffimmut utertillugu nalunaarutigaa, Qimusseq 85-imi siulittaasuugallartoq taama nalunaaruteqarpoq.
Avannaata Qimussersua martsip 24-ani ingerlanneqalertussaagaluarpoq.
KNQK, Kalaallit Nunaanni Qimussertartut Kattuffiat sisamanngormat ilisimatitsivoq Avannaata Qimussersuaaraa, meeqqanit aqqaneq-marluk missaannit peqataaffigineqartussaq taamaatiinnarneqartoq, coronavirusimik tunillatsittoqarnissaa aarleqqutigineqarmat.
Avannaata Qimussersua silamik ingerlatiinnarlugu, illup iluani pisussat taamaatiinnarneqarnissaat pilersaarutaasimagaluarpoq.
KNQK-mi siulittaasoq Johan Olsen ilisimatitsivoq Kangiata Qimussersua aamma taamaatiinnarneqartoq.