Skip to main content

Corona pillugu sulisoqatigiit: Kalaallit Nunaata killigi immikkut ittumik kissaateqarput

Europami tunillaassortoqarujussuarpoq. Taamaammat corona pillugu sulisoqatigiit Kalaallit Nunaannit angalasut Naalagaaffeqatigiit killii akimornagit angalasoqartalernissaannik, nunatsinni tunillaassortoqarujussualinnginniassammat.

Corona pillugu sulisoqatigiit nunatsinnit angalasunut Naalagaaffeqatigiit killiinik matusinissamik suliniuteqarput. Corona pillugu sulisoqatigiit tusagassiortunut ullumi ilisimatitsigamik taama oqaluttuarput.

Corona pillugu sulisoqatigiit pilersaarutaat iluatsissappat, tamanna isumaqarpoq Islandimut silaannakkut aqqut matuneqarsinnaalissasoq.

Kalaallit Nunaat avataanit tatineqangaatsiarpoq. Europami coronavirusip tunillaassornera qangali sakkortuserujussuarsimavoq. Europami inuit 25-45-t akornanni ukiullit coronavirusimik tunillaassorneqarnerpaapput, ernumanarluinnartullu ilagaat napparsimanermut ersiuteqanngivillutik tunillaassortarmata, nakorsaaneq oqarpoq.

Nuummi Aasiannilu coronamik tunillatsissimasunik nassaartoqarnerata takutippaa avataani tunillaassornerup sakkortusineranit, nunarput tatineqarnerulersoq.

- Pisut nikerarnerat ernumanartorujussuuvoq, Henrik L. Hansen tusagassiortunut ilisimatitsinermi oqarpoq.

- Nunatta iluani tunillaassortoqangaatsialissappat, tamanna ajunaarnersuartut isigineqarsinnaavoq, corona pillugu sulisoqatigiit oqarput.

Nunatsinnut tikittut maanna immikkut nakkutilliiffigineqarput. Danmarkimiillu aqqut qularnaannerpaatut isigineqarpoq, Danmarkimiit tikittut coronamut misissortissimallutik tunillatsissimanngitsutut nalunaarsimasarmata.

Taamaammat sulisoqatigiit Danmarkimut maanna attaveqarput, Naalagaaffeqatigiinnerup iluani angalaneq taamaallaat atulersikkusullugu. Islandimiimmi tikittut ilumut angalannginnerminni tunillatsissimannginnermut uppernarsaateqarnersut qulakkeerneqarsinnaasuaannanngimmat. 

Danmarkimi nunatsinnilu politeeqatigiit suleqatigiipput, Air Greenlandillu qulakkeerluinnartarpaa angalasussat tunillatsissimannginnersut.

Angalanerit pisariaqanngitsut unitsissigit

Danmarkimiit tikittut nakkutigineqarnerat ajunngivikkaluartoq, taamaattoq nunanut allanut angalanerit pisariaqanngitsut pinngitsooqquneqarput.

Angalaneq pisariaqartoq tassaanerarneqarpoq Peqqinnissaqarfimmit akuerisaq, Danmarkimut nakorsiarnissamut pisariaqartumut tunngasoq.

Namminersorlutik Oqartussat sulinermut atatillugu nunanut allanut angalanerit pisariaqanngitsut tamaasa unitsissimalerpai, angalanngitsoornerillu pinngitsoorneqarsinnaanngivissut kisiisa ingerlallugit, tassa angalanngikkaanni nunamut ajoqusiisinnaasut.

- Angalanerit pinngitsoortittariaqarpagut, pingaartumik nunanit allanit, sulisoqatigiit oqarput.

Innuttaasut nersualaarneqarput

Innuttaasut sulisoqatigiinnit nersualaarneqarput. Oqartussammi innersuussutaat, tassa qanillinaveersaarnissat, eqqiluisaarnissat, quersortariaatsit allallu malinneqarluarput.

- Killilersuuteqanngikkaluarpat, tunillaassornerup nassaarinissaa unitsinniarnissaalu ajornarluinnarsimassagaluarpoq, Politimester Bjørn Tegner Bay oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER