Skip to main content

Corona pillugu allattoqarfik: Akiuussutissaq pillugu eqqunngitsumik siammarterisoqarpoq

Akiuussutissamik kapitereernerup kingorna taqqakkut milikartoortoqarsimanera imaluunniit toqusoqarsimanera Facebookikkut oqallisaavoq. Taamali oqallinneq ilumuunngilaq, kapitinnissamullu nangaatitsilersoorsinnaalluni, corona pillugu allattoqarfik ilisimatitsivoq.

Coronamut akiuussutissat pillugit Facebookimi tusatsiakkanik eqqunngitsorpassuarnik ingerlaartitsisoqartoq, Corona pillugu Allattoqarfiup nalunaarutigaa. Tusatsiakkat ilaat taqqakkut milikartoortoqarsimaneranik toqusoqarsimaneranilluunniik imaqarput, tamakkuli tunngavissaqanngillat.

- Kalaallit Nunaanni akiuussutissalersuinerup kinguneranik toqqutigisamik taqqakkut milikartoortoqarsimaneranik tusatsiakkat ilumuunngilluinnartut erseqqissaassutigineqassaaq. Kalaallit Nunaanni akiuussuserneqareernerup kingunerisaanik taqqakkut milikartoortoqarnikuunngilaq toqusoqarnikuunaniluunniit, corona pillugu allattoqarfik tusagassiorfinnut nalunaaruteqarluni ilisimatitsivoq.

Kalaallit Nunaanni Moderna aamma Pfizer akiuussutissalersuutigineqarput, taakkulu nunatsinni nunaniluunniit allani sakkortuumik kingunerluuteqartitsisimanngillat.

Tusarfiit apeqquserneqartassapput

Corona pillugu allattoqarfik kaammattuivoq coronamut akiuussutissat pitillugit tusarfiit suminngaanneerneri, kikkullu siammarterisuunersut pillugit atuartoq apeqqusiisaqqullugu. 

Tusatsiakkat eqqunngitsut inuiaqatigiinni kapitikkumajunnaarnermik kinguneqarsinnaapput.

- Kalaallit Nunaanni inuiaqatigiinni nalinginnaanngorsaanissaq nunarsuarlu tamakkerlugu akiuussutissalersuinerit ilutigalugit inuiaqatigiinni ammaasseqqinnissaq tullinguukkiartuaalerpoq. Taamaammat inuit akiuussuserneqassanersut nalornilernissaannut tunngavissiisumik tusatsiakkanik eqqunngitsunik siammartereqataaneq ajuusaarnarpoq.

- Nunatsinni nunanilu allani pissutsit nalinginnanngorsarnissaannut akiuussutissalersuinerit aalajangiisuulluinnarput, inuiaqatigiinnilu tunillaassuinissaq pinaveersaartinneqassappat akiuussutissalersuinerit annertussusii annertuserujussuarneqassapput, ilisimatitsissutigineqarpoq.

Malunniutit misissorneqartarput

Nunatta nakorsaanera Sermitsiaq.AG-mut ilisimatitsivoq akiuussutissamik kapitissimasut qisuariaateqaraangata nakorsaaneqarfik nalunaarfigineqartartoq. Timip qisuariaatai qaqutiguunngitsut tassaapput kapitiffimmi ippigusunneq aamma kissarneqalaalerneq. Timilli qisuariarnera isumaqaannarpoq akiuussutissaq iluaqutaasoq, nakorsaaneq eqqissisaavoq. Akiuussutissalertinnerup kingorna taqqatigut milikartoortoqarneranik toqusoqarneranilluunniit Nakorsaaneqarfik nalunaarfigineqarsimanngilaq.

Corona pillugu allattoqarfiup innuttaasut kaammattorpai akiuussutissalersuinermut neqeroortoqartillugu akuerseqqullugit. Nunatsinni akiuussutissalersuineq angallannikkut annertuumik pilersaarusiortariaqartarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER