Corona Katuamut amigartooruteqartitsisoq
Coronap nunarsuarmi tuniluunnera aamma killilersuutit illoqarfiit pingaarnersaanni kulturikkut sammisassaqartitsinermut sunniuteqarsimanerat Katuamut akisusimaqaat.
Aningaasaateqarfik Katuaq 2020-mut naatsorsuutiminik saqqummiussisimavoq, tassanilu takuneqarrsinnaavoq kaaviiaartitat ukip siulianut sanilliullugu 10 millioner koruunit missaannik ikileriarsimasut, tusagassiorfinnut nalunaarummi allassimavoq.
Ukiumut naatsorsuutit naapertorlugit 2,3 mio. koruuninik amigartooruteqartoqarpoq, ”amigartoorutit annertuut malunnaatillillu, taamaattorli atugassarititat eqqaallugit naammaginarlutik”, nalunaarummi allassimavoq.
Taamaatitsiinnarnerpassuit
Aqutsisunit oqaatigineqarpoq, aqqissuussinerit, susassaqartitsinerit ataatsimeersuarnerillu annerpaamik 100-nik peqataasoqartussaaneri aningaasaqarnikkut ilungersunartorsiortitsisimasut ukiumilu 2020-mi taamaatitsiinnarnerpassuit allannguinerpassuillu atugaasimasut.
- Ukioq 2020 ilungersunarnikooqaaq, ukiorli manna (2021) angusaqarnerungaarnissarput
neriuutigaarput. 2020 ilikkagaqarfiginikooqaarput, qanorlu kulturikkut pisuussutitta
eriagineqarneqartariaqarnerat ilikkakkatta takusattalu takutippaat, kulturillu, aamma
ajornartorsiulernerni, pingaaruteqarnertut nalilertariaqarnera ilikkarlutigu, Katuap siulersuisuini siulittaasoq Anna Heilmann, ukiumoortumik ataatsimiinnermi ilaatigut
taamatut oqarpoq.
Aningaasaateqarfik ingerlatsinermut illoqarfiit pingaarnersaata kommunianit Namminersorlutillu Oqartussanit aningaasaliiffigineqartarpoq, namminerli 70 procentit 75 procentillug akornanni kaaviiartitaqartarluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...