Corona atuukkaluartoq Elisap takornariartitsisarnra ingerlalluarpoq

Angalatitseqatigiiffik Travel By Heart qaqutigoortumik ulapiffiusimavoq, corona nunarsuarmi tuniluutilermat ingerlatsinissamut pilersaarut allanngortinneqarsimagaluartoq ulapiffiusimalluni.

Elisa Bruunip nammineq angalatitseqatigiiffiuteqarnissaminik takorloortakkani 2019-imi septembarip qaammataani piviusunngortippaa. Ukiuni 19-ini angalatitseqatigiiffinni, ilaatigut Nunatta Angalatitseqatigiiffiani Air Greenlandimilu sulereerluni, nammineq angalatitseqatigiiffutissani Travel By Heart ammarpaa, taamalu aalajangersimanera isumatusaartuusimalluni.

Angalatitsisarnermut aviisimit standby.dk-mit apersorneqarluni Elise Bruunip oqaluttuaraa, danskinut takornarianut ataatsimoortumik takornariartitsisarnermik ukkataqarsimanerup, 2020-mi coronamut atatillugu killilersuisoqalermat nunanit allamiut nunamut iseqqusaajunnaarmata, nunami angalatitsilernissamut allanngueriasaanermut sangutinneqarsimanera qanoq ittuunersoq.

Malinnaajuminaatsitsisimasoq

- Suliffeqarfiutimma takornarianik nunanit allaneersunik sullissisarnera allanngortipallallugu, Kalaallit Nunaanni najugallit nunami takornariarniarpassuanngoriasaarmata ulapputilerpugut. Angalanissamut pisiaqarusuttoqangaarmat mainnaarpiarsinnaasimanngilanga, Eelis Bruun standby.dk-mut oqaluttuarpoq.

Ilaatigut sapaatip akunnerata naanerani angalanissamut naannerusumillu angalanissanut tunisaqarluartarsimavoq - assersuutigalugu påskemut atatillugu angalanissanut. Aammali ataatsimoortumik angalatitsisarsimalluni.

Elise Bruunip misigisassarsiorluni sulinngiffeqarnissat aaqqissuuttarpai allallu tikeraanik angallassisorisarlugit. Taassuma internetsikkut tusagassiorfimmut ilisimatitsissutigaa, nunami takornariartitsisarneq 2021-mi ingerlaannarniarpasittoq.

Powered by Labrador CMS