Corona atugaagaluartoq: Ice Trawl millionerpassuarnik aningaasarsiorpoq
Ice Trawl Greenland, siulittaasoq Ove Rosing Olsen siuttoralugu, siorna akileraarutit suli ilanngaatiginagit 83 millioner koruuninik sinneqartooruteqarpoq. Ingerlatseqatigiiffik ingerlalluartorujussuuvoq.
Nunarsuaq tamakkerlugu corona ajornartorsiortitsigaluartoq Ice Trawl Greenland suli aningaasarsiorluaqaaq. Kilisaataateqarfiup 2020-mi akileraarutit suli ilanngaatiginagit 83 millioner koruuninik sinneqartooruteqarluni 2019-imi angusat inulaarpai, ukioq taanna 86,6 millioner koruuninik sinneqartooruteqarami.
Aviisi Sermitsiaq taama allappoq.
Umiarsuaatileqatigiiffik Sisimiuni qullersaqarfilik aalisarnermik ingerlatsiviuvoq ingerlalluarneqartorujussuaq aningaasaateqarluartoq, ukiorpassuarni ingerlalluarsimasoq. Ice Trawl Greenland nunami aalisarnermik ingerlatsivinni aningaasarsiorluarnerpaat ilagaat.
Ingerlatsiviup ingerlalluartup nammineq aningaasaatai 380 millioner koruuniupput. Pisuussutit pingaartumik pissarsiarineqarsimapput raajartassanik aalisagartassanillu pissarsinikkut atuinikkullu.
2020-mi akileraarutit suli ilanngaatiginagit angusat 2019-imi angusatut annertutigimmata piginneqataasut ukiuni siuliinisut amerlatigisunik sinneqartoorutisiaqartinneqarput, tassa 32 millioner koruuninik.
Aviisimi Sermitsiami atuarnerusinnaavutit. Aviisi uani pissarsiariuk: