Skip to main content

Corona aporfiginagu Qooqqut Festival

Corona pissutigalugu ataatsimoornissat killilersorneqarallarneri pissutigalugit festivalit arlallit nunatsinni taamaatiinnarneqarsimapput. Ilaqutariinnulli pilersaarutit malillugit Qooqqut Festivaleqassaaq.

Qooqqut Festival augustip 14-ani 15-anilu ingerlanneqassaaq, Katuaq tusagassiorfinnut taama nalunaaruteqarpoq.

Katuaq naapertorlugu ilaqutariinnut festivali ataatsimooqatigiinnermik, sammisaqaqatigiinnermik aliikkusersuinermillu imaqartussaq "corona
peqqutaalluni qanillivallaarnaveersaarluni" ingerlanneqassaaq.

- Qilanaaqaagut massakkullu festivali piareersarlugu ulapputigaarput sumiiffitsinni aliikkusersuisartut nipilersortartullu pikkorissut suleqatigalugit aaqqissuussaq pilersaarusiorparput. Pisortat maleqqusaat tamaasa malillugit aaqqissuussivugut, maleqqusanut malinnaavugut pisoqarneranilu aamma peqqussutit malitassaasut aallaavigalugit aaqqissuussaq piareersarparput. Tamaammakkaluartoq aaqqissuussaq, ikinnerusunik orninneqassagaluartoq, tikerartullu ikinnerussagaluartut nuannerunarteqaarput, Katuami aaqqissuussinermi pisortaq Camilla Høg oqarpoq.

Amerlanerpaamik 200-t

Festivali akeqanngilaq, pisortalli innersuussutaat malillugit katersuunnerit killeqarmata, ukioq manna festivalimut peqataassagaanni isissutissaqartoqartariaqarpoq.

Namminersorlutik Oqartussat nalunaarutaat malillugu silami aaqqissuussani inuit amerlanerpaamik 250-t katersuussinnaapput, nalunaarullu augustip aallaqqaataanut 2020-mut atuulluni.

- Peqataanissamut isissutissat 200-t immikkoortikkallarsimavagut, oqartussat killilersuinerat malikkumallugu. Sammisassaqartitsisussammi aliikkusersuisussallu aamma inissaqartariaqarput, aaqqissuussinermi pisortaq Camilla Høg Sermitsiaq.AG-mut oqarpoq.

Kultoorip illorsua ilisimatitsivoq inuit katersuuttarneri pillugit killilersuinernut oqartussat aalajangernissaat tulleq utaqqimaaritsik.

- Soorunami neriuutigaarput amerlanerusut peqataasinnaajumaartut. Oqartussalli killilersuineri malittussaavagut, Camilla Høg oqarpoq.

Festivalimi kiinnat ilisarnartut

Qooqqut Festival ukiut tallimassaat ingerlanneqalerpoq. Ilaqutariinnut festivalimi assigiinngitsunik sammisassaqarpoq. Soorlu meeqqanut eqqumiitsuliorneq, Denne Games aamma oqaluttuaqattaannerit allarpassuillu. Unnukkut tusarnaartitsisoqartassaaq, tassani soorlu Small Times Giant, Kusernerit Gerth Lyberthilu appittussanut ilaassallutik.

Graffiti MasterClass maani eqqumiitsuliortut illorsuit iigaanni eqqumiitsuliorlutik aallartiaalersut
Immaqa siunissami illoqarfimmi illorsuit ilaanni eqqumiitsulianik takusaqartalissaatit. Maani eqqumiitsuliortut graffitikultur-MasterClass illorsuit igaanni eqqumiitsuliorneq ingerlatarisimavaat,...
Kommunit tamarmik isumaqatigiipput: Ulloq atualeqqaarfik maleruaqqusaqassaaq
Aasaanerani atuanngiffeqareernerup kingorna aggustip qaammataata qiteqqunnerani kommunini tamani pissusissamisut atuartut isaanissaannut sianeq sianertinneqassaaq. Taamaakkaluartoq ulloq...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER