Skip to main content

Corona ajornartorsiortitsigaluartoq: Ivik Targamik angisuumik pisisoq

Ivik Knudsen-Ostermann, suliffeqarfimmik Greenland Cruisesimik piginnittoq, pissutsit isumalluarnannginnerannit naalagarsiortinneqarusunngilaq, Targa 37-millu nutaarluinnarmik, ilaasunik 12-nik angallassinissamut marlunnillu inuttaqarnissamut akuerisaasumik, pisisimalluni

Suut tamarmik pilersaarutit naapertorlugit ingerlappata angallat Nuummut maajip arfineq-aappaani tikissaaq, angallallu juunimiit septembarimut Ilulissani angallassitinneqassalluni, tamatumalu kingorna Nuummi oktobarimit juunimut angallassissutigineqassalluni, tusagassiuutitigut nalunaarummi paasissutissiissutigineqarpoq.

- Meerannguatut juulliararnissaanut qilanaartutut qilanaarpunga, Ivik Knudsen-Ostermann oqarpoq nangillunilu: - Ernera angajulleq Mala angallammut atsiuppara. Mala tulluusimaartorujussuuvoq, angallatillu qaqugu Nuummut tikinnissaa apeqqutigillattaartarlugu, ilaqutariit tamarmiulluta angalaarsinnaalerniassagatta.

Ilulissani Nuummilu angallassissasoq

Suliffeqarfik Greenland Cruises umiarsuarnut takornariartaatinut aasat tamaasa Kalaallit Nunaannut tikittartunut sullissinissamik angallassinissamillu neqerooruteqartarpoq. Tamatuma saniatigut Ivik Knudsen-Ostermann Ilulissat Toursimik, Ilulissani takornarianut angallassinernik neqerooruteqarnerusartumik, aamma piginneqataavoq. Maannamut pilersaarutit naapertorlugit, Mala Ilulissani angallataatigineqareersunut minnerumaanut marlunnut ilanngunneqassaaq. 

-Ikinngutima ilarpaalussui apersuisalereerput, piffissaq aggersoq qanoq ikkumaarnersoq, aningaasarsiorninnut pingaarnermut umiarsuit takornariartaatit aalajangiisuusarmata, Ivik oqarpoq nassuerutigalugulu, umiarsuit takornariartaatit qassit 2020-mi aasakkut tikikkumaarnerat pissanngatigigini. Piffissaq ingerlalluarfiusinnaaqqullugu suut tamaasa iluatsilluarnissaat kissaatigaarput, Ivik Knudsen-Ostermann oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER