Skip to main content

Containerinut inissiisarfik nutaaq piareerpoq

Sanaartortartoqarfik Per Aarsleff Grønland ApS-p ataasinngornermi umiarsuarlivittaaq Sikuki Nuuk Harbour A/S-mut tunniuppaa.

Taamaasilluni sanaartornerit annersaasa ilaat piareerpoq. Umiarsualiviulli qaammatini arlalinni kinguaattooqqasimanera pissutaalluni isumaqatigiissuteqarniarnikkut akiliutigineqartussaq illuatungeriit isumaqatigiissutigissavaat.

Umiarsualiviup allilerneqarneqarnerani ilaapput:

  • Containerinut inissiisarfik nutaaliaasoq 47.000 m2-iusoq,
  • Nassiussaleriffik
  • Allaffiit
  • Sullivik

Atortorissaarutit Royal Arctiv Linemut attartortinneqassapput, Sikukilu aamma maanna Umiarsualivitoqqami containerinik inississuisarfigisami saniatigut aamma, Fyrø-mi angisuumik inississuisarfissaqalerpoq, ukiap ingerlanerani attartortinneqarsinnaalersussamik.

- Terminali, atortullu ilaasut, Kalaallit Nunaanni periarfissanik nutaanik ammaassipput, taamallu pineqartoq nuna tamakkerlugu pingaaruteqarluinnartumik qitiusutut inissisimalissalluni, Sikukimi pisortaasoq John Rasmussen tusagassiuutinut nalunaarut ataasinngornermi unnukkut nassiunneqartoq naapertorlugu oqarpoq.

Isumaqatigiissitsiniarneq

Kinguaattoorneq pillugu John Rasmussen oqarpoq:

- Isumaqatigiissummi aaliangersagaasut naapertorlugit, kinguaatoornerup aningaasatigut sunniutai attuumassuteqanngitsumit nalilersorneqarlutik aaliangerneqassapput. Maannali nunarutigiinnarparput termilissaq piareermat aammalu Royal Arctic Line kiisami terminalitaami ingerlatassaminnut isertersinnaalermat.

Umiarsualivittaamik atuilernissaq pisortatigoortumik ukiamut malunnartinneqarluni ingerlanneqassaaq. Tamannalu
pillugu kingusinnerusukkut Sikuki aamma Royal Arctic Line ilisimatitsissuteqarumaarput, tusagassiuutinut nalunaarummi allassimavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER