Comby A/S suliffimminik Danmarkimi allilerisoq
Kalaallit Nunaanni IT-mik ingerlatsivik Comby Danmarkimi suliarisartakkaminik annertusaaleruttorpoq.
Comby Nuummi 23-nik sulisoqarpoq, aamma siorna Salgelsemi allaffimmik ammaasimavoq, tassungalu atatillugu it-mik ingerlatsiviup ilaatigut suliassami ilaanik allanut suliassanngortitsisarnermini, imminut napatissinnaaneq tunngavigalugu Danmarkimi niuerfiit iserfiginiarpai.
Suliffeqarfik Slagelsemi ullumikkut arfineq-pingsunik sulisoqarpoq, pilersaarutaavorlu aasakkut sulinngiffeqartoqareerpat sulisut sisamanik ilaneqarnissaat.
- Naatsorsuutaavoq ukiup matuma ingerlanerani 35-t missaannik sulisoqalersimanissarput, internetsikkut tusagassiivik Slagelse Erhvervscenter naapertorlugu, Comby A/S-imi pisortaaneq Brian Torp oqarsimavoq.
Allaffeqarfiit nutaat
Pilersaarutinut annertuunut inissqartitsinissaq qulakkeerniarlugu, allaffeqarfimmik 2.500 kvadratmeterimik angitigisumik sanaartornissamut akuersissummik pissarsisoqaqqammerpoq, allafeqarfik quleriinnik initaqartoq saqqummersitsisarfeqassaaq katillugit sulisunut 200-nut inissalimmik.
Aallaqqaammut pilersaarutaasimagaluarpoq, Danmarkimi immikkoortortaqarfik suliffeqarfiup sullitaanut Kalaallit Nunaanneersunut ikiuutttassasoq. Maannali Danmarkimi pisisartunik sullissinissamut piareertoqarpoq.