Skip to main content

Claus Nielsen Kalaallit Nunaanni Timersoqatigiiffiit Kattuffianni siulittaasunngorpoq

Tallimanngornermi ullaap tungaani aalajangerneqarpoq Claus Nielsen timersornerup silarsuaani aquummik tigumminnissasoq. Taassuma Nuka Kleemann, ukiut 20-it kattuffimmi tassani siulittaasuusimasoq taarserpaa.

Assip ataaniittoq tikkuut aappaluttoq toorlugu assit qimerluukkit.

Maanna Bolethe Stenskovip paarlattaanera qaangiuppoq, Kalaallit Nunaanni Timersoqatigiiffiit Kattuffianni ilaasortat aalajangermata kina siunissami siulittaasuussanersoq.

Kattuffimmi ilaasortat sinniisutut aallartitaat aalajangeqqammerput siulittaasussartik tassaassasoq Claus Nielsen. 

Claus Nielsen timersornerup iluani inuk nutaajunngilaq, tassami taanna kajumissutsimik annertoorujussuarmik timersornerup iluani sullissinikuuvoq, Nukatulli ukiorpassuit sullissilluni, maannalu siulittaasup tulliatut inissisimareerluni siulittaasutut inissippoq.

Claus Nielsen timersornerup siuarsarneqarnissaanik tamaviaarutiginnittuuvoq, taamaammallu timersoriaatsini assigiinngitsuni sullisseqataasututut takussaajuartarpoq, pingaartumik issittumi timersuutit, arctic Sport siuarsaaqataaffigilluarnikuuaa sulilu sullitaralugu.

Nuka Kleemannip ilinniarfimmi pisortamiit naalakkersuisoqarfimmi pisortamut, ilaatigut timersornermut tunngasunik suliassaqarfiusumut ikaarsaarnerminut atatillugu upernaaq siulittaasutut tunuarmat Bolethe Stenskov siulittaasuugallartutut inisisimareersorlu tallimanngornermi Claus Nielsen siulittaasutut inissippoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER