Claus Hjort: Kalaallit danskillu ataqatigiinnerat pitsaanerulernikuuvoq

Kalaallit Nunaata namminiilivinniarnera Venstremi politikkerimit paasinartinneqarpoq

Aningaasaqarnermut ministeriusimasumut maannalu illersornissamut ministerisut Claus Hjort Frederiksen Kalaallit Nunaanni pissutsinut ilisimasaqarluarpoq.

Kalaallit Nunaannik ukiuni kingullerni suliaqarsimaneq Naalakkersuisut ukiortaami ilasseqatigiissitsinerani takuneqarsinnaavoq, tassami Kim Kielsenilu ilassilluartorujussuupput. Kalaallit Nunaannik attaveqarneq pitsaanerulersimasoq Claus Hjort Frederiksenip oqaatigaa.

- Pitsaanerusumik oqaloqatigiissinnaalernikuuvugut, tamanna attatiinnartariaqarparput siunissami, illersornissamut ministeri Sermitsiaq.AG-mut oqarpoq.

- Siornatigut oqaloqatigiinnerit sakkortusarsinnaanikuupput, ilaatigut Naalagaaffeqatigiinnermut tunngasunik oqallinnermi oqallinneq sakkortoorujussuusinnaasarnikuulluni.

Maannali attaveqaqatigiinnerup pitsaasumik ingerlaannarnissaa neriuutigaa, naak Kalaallit Nunaat namminiilivinnissamik sulissuteqaraluartoq.

Namminiivilinnissamik takorluukkat
- Namminiilivinnissamik takorluugaqarneq pissusissamisoortuuvoq, tamannalu ilusilersornissaa Kalaallit Nunaata nammineerluni aalajangissavaa.

Kalaallit Nunaata namminiilivinnissamut suliniutaasa oqallisigineri Claus Hjort Frederiksenimit aamma oqaloqataaffigineqartarput, tassami Venstrep politikkikkut qanoq ingerlariaqqinnissaanut aalajangeeqataasartuunikuuvoq.

- Kalaallit Nunaata aningaasaqarnikkut imminut napatissinnaanissaa tunngaviussasoq neriuutigaara. Taamaattoqarsinnaanngippat namminiilivittoqarsinnaanngilaq.

Naalagaaffeqatigiinnermi suleqatigiinneq Claus Hjort Frederiksenimit pingaartinneqarnersaavoq.

- Danskit Kalaallit Nunaannut kissalaartuupput, tamannalu sivisuumik attatiinnarnissaa kissaatigaarput.

Powered by Labrador CMS