Skip to main content

Christianiami hashi pillugu ullut tamaasa paarnaarussisoqartartoq

Manna tikillugu eqqartuussisut ukioq manna inuit 145-t tigummigallagassanngortereerpaat. Amerlasuut politiinut nakuusertutut aamma sioorasaarisutut unnerluutigineqartarput.

Christianiami Pusherstreetimi hashimik tuniniaanermut politiit ilungersornartumik suliaqarniarlutik aalajangersimapput.

Ukiumit nutaamiilli inuit 397-it politiit tigusaraat, taakkunanngalu amerlasuut apersorneqareeraangamik erniinnartumik ingerlateqqinneqarneq ajorput.

Københavns Byretimi eqqartuussisut ullut tamaasa inummik, unioqqutitsilluni tuniniaasutut politiinit pasineqartunik sassartitsiffigineqartarput.

Juunip aallartinnera tikillugu 145-eriarluni tigummigallagassanngortitsisoqarsimavoq, Københavnimi Politiit Ritzauimut mailikkut taama ilisimatitsipput.

Taakku aamma paasissutissat allat takutippaat, politiit hashimik tuniniaasarnermut annertunerusumik iliuuseqarniarnerat siorna aallartittoq suli attanneqartoq. Siorna inuit 708-t tigusarineqarput.

Tununiaanermut atatillugu pineqartut aalajangersimasunik suliaqartartut politiit qulaajarnikuuaat. Ilaat nakkutilliisutut sulitinneqartarput, allat arpattutut. Pusher Streetimi nakkutilliisut ’’ost’’-imik suaarpata, politiit uniformillit aggernerannik aarlerisaarineruvoq.

Politiit ukioq manna maannamut hashi 214 kilo arsaarinnissutigereerpaat, skunk 102 kilo aamma jointit 55.000-t missaanniittut.

Aningaasat aamma nassaarineqartarsimapput. Taakku 1,1 millionit koruuniupput, naatsorsuinerni tamanna atuarneqarsinnaavoq.

Politiit taamatut iliuuseqarnerpassuit ajortumik tiguneqartarput. 45-t ingasattajaarlutik oqaaseqarnermut unnerluutigineqarsimapput, 100-niillu amerlanerusut politiinut nakuusernermut aamma nakuuserniarluni sioorasaarinermut unnerluutigineqarsimallutik.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER