Charlotte Ludvigsenip borgmesteriunini attatiinnarpaa

Charlotte Ludvigsen Kommuneqarfik Sermersuumi siuariangaatsiarpoq borgmesteritullu atorfik partiinilu tigoqqippaa, taakku 2.2 procentpointinik siuariarpoq. Kommuninut qinersinermi kingullermi 2017-imi Charlotte Ludvigsen 77-iinnarnik taaneqarpoq.

Borgmesteriusimasoq Asii Chemnitz Narup juunimi 2019-imi maanaannaq tunuarmat, borgmesteritut atorfik tiguaa.

Naak Charlotte Ludvigsen nutaraagaluartoq, qinersisartut suliai akuerivaat uanilu qinersinermi taaguunneqarluarneranik akilerlugu, kiisalu partii siariartilaarlugu.

- Nuannaartorujussuuvunga, qinersisartullu tatiginninnerat tulluusimaarutigaara. Asii Chemnitz Narup 2019-imi kingoraarlugu borgmesteritut atorfik tiguara, maannalu ukioq manna qinersineq tatiginninnertut tigusinnaanngorpara, qinigaaffimmilu tulliuttumi atorsinnaallugu, Charlotte Ludvigsen oqarpoq.

Siumumi Martha siuttuuvoq

Siumumi politikeri misilittagartooq Martha Abelsen, illoqarfiit pingaarnersaata kommuniani partiimi taasinerit amerlanerpaat 569-it pissarsiarai, borgmesterinngorniarlunilu qinigassanngortittoq Inga Dora Markussen 358-inik taaguunneqarluni tulliuvoq.

Pele Broberg Naleqqameersoq 282-inik taaguunneqarpoq, Justus Hansen aamma Poul Petersen 271-nik aamma 234-inik taaguunneqartut, Demokraatini qinigassanngortittuni qaffasinnerpaamik inissillutik.

Aqagu isumaqatiginninniartoqassaaq

Aqagu partiinik isumaqatiginninniarnissamut Charlotte Ludvigsen piareersimalluni oqaluttuarpoq.

- Killiffitsinniit ingerlaqqissaagut, politikkikkullu ingerlaneq patajaatsoq ingerlatarput nangillugu, Charlotte Ludvigsen oqarpoq.