Cecilie: Utoqqalinissarnut piareersarit

Cecilie Vahl ukiut 45-it sulereerluni soraarninngorami atorfissaqanngitsutut misigisimavoq, maannali taamaakkunnaarluni ullut tamaasa suliaqarusaartalerpoq pinngortitarlu pinngitsoorsinnaanagu.

Utoqqaat amerlasuut aliikkutarilluartagaat tassaavoq bingo, Cecilie Vahlilli soqutiginngeqaa. Soraarneq suliassaaleqinngitsoq maannalu atuakkiuleruttortoq decemberimi akunnaattuliilluni 70-liissaaq. Atuakkiassaa nunatsinni savaateqarnerup aallartinnerata oqaluttuassartaanut tunngassaaq, nammineerlunimi savaateqarfimmi Qassiarsummi inunngorlunilu peroriartorpoq.

Aviisi AG taama allappoq.

- Utoqqartut inuuneq inuusunnermit allaaneroqaaq. Meeraangatta tamatta immitsinnut nalunngisariippugut Nuummiliu taamaanngilaq. Peroriartorninni angerlarsimaffipput kuup eqqannguaniippoq Narsarsuullu talittarfianut isikkiveqarluni, tamanna inuusunninni maqaasinikooqaara. Maannakkulli najugaqarfipput pinngortitamut qanippoq umiarsualivimmullu isikkiveqarluni, pitsaanerusinnaanngilaq, Cecilie Vahl Nuup ilaani Qinngutsinni najugalik oqarpoq.

AG-ip arnaq 69-inik ukiulik oqaloqatigaa, ukioqqortuukasiungaluarluni imminut utoqqartut isiginngitsoq, taamaakkaluartoq nunatsinni utoqqaat inuunerannik sungiussilluarsimavoq.

Aviisimi AG-mi Cecilie Vahl utoqqalinissamut eqqanaarnissamut arlalinnik siunnersuuteqarpoq.

Allaaserisaq atuaruk – aviisi AG uani ataani pissarsiarisinnaavat:

Powered by Labrador CMS