Skip to main content

Carsten F. Hansen politikkersornermi atornerlunneqartutut misigisimavoq

Naalakkersuisoqarfimmi pisortaq tunuartoq Carsten Frank Hansen septembarip qiteqqunnerani tunuarnermi kingorna siullermeersumik apersorneqarnissaminut akuersivoq

Carsten Frank Hansen pisimasumi pingaarnertut inuttaaffigisamini attortittorujussuusimavoq, tassa Aningaasanut Nunallu iluani Pissutsinut Naalakkersuisoqarfimmi ullut suliffiit marluinnaat sulereerluni tunuarami, septembarip qiteqqunnerani Berlingskep allaaserimmagu Danmarkimi peqquserluuteqarsimasutut qallunaat politiivinit unnerluutigineqarsimasoq.
Fyens Stiftstidende-p manna tikillugu tusagassiorfinni kisiartaalluni Carsten Frank Hansen, Odensemi najugalik, oqaloqatigisimavaa.
Pisimasumi, nammineq annertuvallaalersimasutut taasamini, attortittorujussuusimavoq.
– Eqqartuussissuserisumma uangalu qularutiginngilarput suliami maanna ingerlasumi ajorsarsinnaanngitsunga, soorunamilu Kalaallit Nunaannukarsimanngisaannarsimassagaluarpunga ajorsarnissara naatsorsuutigisimasuugukku. Taava imminut pisarilluinnassagaluarpunga, Carsten Frank Hansen Fyens Stiftstidendemut oqarpoq.
Carsten Frank Hansenilli itisilerumanngilaa Andelskassenip sumik unnerluutigisimaneraani.
– Aningaasanik tigusisimanngilanga, imminullu aningaasanik tunisimanngilanga. Qularutiginngilara politiit paasigunikku suliassami sunarpiaq pineqarnersoq taava suliassaq unitsissagaat, taanna oqarpoq.
Tamatuma kingorna Fyens Stiftstidendep Carsten Frank Hansen aperaa tamanna maanna oqaluttuarippagu namminerminut iluaqutaassannginnersoq.
– Naamik, politiit suliartik naammassereerpagu oqaluttuarumaarpunga. Pisimasoq suli annertusaqqinnianngilara, imminut ilaquttakkalu illersortariaqarpakka, taanna oqarpoq.
Nuanniitsumik mamaatsumillu politikkersorneq
Qallunaat aviisiat malillugu Carsten Frank Hansen pisimasup ingerlarnga tamaat tusagassiorfiit pissusilersornerat tupassutigisorujussuusimavaa.
Sisamanngorneq tikillugu tusagassiorfiidt arlaannaannilluunniit sianerfigineqarsimanngilaq nammineerlugu oqaluttuartinniarlugu, isumaqarporlu ´Kalaallit Nunaanni politikkikkut nuanniitsumik mamaatsumillu pissaaneqarniunnermi´ atorneqarsimalluni.
– Ajortuliortorsuartut saqqummiunneqarneq nuanninngilaq, pisimasorlu anniaatigeqaara. Ajortuliorsimanngilanga, tamannalu politiit aamma paasissavaat. Maannakkorpiaq oqaluttuatsialaavoq kalaallip naalakkersuisoqarfimmi pisortap peqquserlussimasutut unnerluutigineqarnera, qaammatilli martlussuit qaangiuppata pinngitsuutinneqaruma sianertoqarunanngilaq, Carsten Frank Hansen, Nunatsinni inunngorlunilu peroriartorsimasoq, oqarpoq.
Illilli assuarlerneqarsinnaagunarputit suliaq ingerlasoq isertuussimagakku Kalaallit Nunaanni atorfinitsitsiniarnerup nalaani?
– Aap, taamatut oqartoqarsinnaavoq, uangali silarsuanni suliassaasimanngilaq ersissutigisara, tassa nalunnginnakku pissutsit qanoq ataqatigiinnersut. Inuit isumaattut ajortiginngilaq, inuillu tusarunikku ilaatigiinnassavaat. Maannakkorpiarli nuanniitsumik mamaatsumillu politikkersornermi atorneqarpunga, 44-nik ukiulik Carsten Frank Hansen Fyens Stiftstidendemut oqarpoq.
Tunuarnermini oqaaseqarpoq
Carsten Frank Hansen naalakkersuisoqarfimmi pisortatut nammineerluni tunuarmat septembarip 16-ianni namminersorlutik oqartussat ingerlaannavik tusagassiorfinnut nalunaaruteqarput, tassanilu naalakkersuisoqarfimmi pisortaasimasup oqaaseqaatai arlallit issuarneqarput.
Ilaatigut nalunaarummi imatut oqarpoq, taannalu aamma atuarneqarasinnaavoq allaaserisami "Naalakkersuisoqarfimmi pisortaq nutaaq ullut marluk sulereerluni tunuarpoq".
– Danske Andelskassers Bankimi soraarnerma kingorna peqquserluuteqarsimasutut unnerluutigineqarsimavunga. Misissuisoqarpoq, uangalu nammineq naatsorsuutigaara pinngitsuutinneqassallunga.
Aamma:
– Suliassaq kukkusumik nalilersimavara tamannalu pissutigalugu namminersorlutik oqartussanut oqaatigisimanagu misissuiffigineqarlunga. Greentop Greenland ApS-imit soraarninnut pissutaavoq namminersorlurtik oqartussani atorfininnera. Taamaattumik Greentop Greenland ApS-imit tunuarnera aatsaat pivoq namminersorlutik oqartussani atorfinereerlunga.
Sermitsiaq.AG-p suli utaqqivaa Carsten Frank Hansenip akissutissaa uagutsinnit apersorneqarusunnersoq. Oqaloqatigiinnikkut allakkatigulluunniit.
Carsten Frank Hansenimik mamianartuliaq pillugu Sermitsiaq.AG-p allaaserisai tamaasa atuakkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER