Cannabis misileraatitut nakorsaatigineqarnissaanut nakorsat akuersaanngitsut

Cannabis'ip misileraalluni nakorsaatitut atorneqalernissaanik aaqqiissuteqarneq napparsimasunit anniaateqartartuniilli naatsorsuutigineqartut annertupput. Nakorsalli aaqqiissutip atuutilinnginneraniilli akerliussuteqarput.

- Cannabisip nakorsaatitut atorlugu aaqqissuulluakkamik misileraasoqarsimanngilaq. Iluaqutissartaanik kingunerluutaanilluunniit uppernarsaatinik ilisimasaqanngilagut. Taamaammat nakorsaat taanna akuersissutigineqarnissaanut akisussaaffik nakorsatut tigusinnaanngilarput, Anders Beich, raktiserende lægers videnskabelige selskab, DSAM-imi siulittaasoq oqarpoq.

- Nakorsiartoqartillugu nakorsaammut akuersissuteqarsinnaanermut pisinnaatitaaffik tigusinnaanagu oqaatigissavara. Nappaatillit akornanni imaluunniit ilisimatusarnermik tunngaveqartumik ingerlanneqarsimasumik allaaserilluakkamik sanilliussassaqanngilanga, taanna oqarpoq.

Misileraalluni aaqqiissuteqarneq ukiuni sisamani ingerlanneqartussaq Folketingimi amerlanerussuteqartunit taperserneqarpoq, taakku 22 million koruuninik aningaasaliissuteqarnikkut januarip aallaqqaataani atuutilertumik sklerosimik nappaatillit, qitikkut anniaatillit, nakorsiat kemoterapeertartut anniaatilinnuulluunniit uppernarsaammik pissarsisoqarsinnaalernissaat aalajangiuppaat.

Anniaateqartartut, ilaatigut annilaanganermik nappaatillit naatsorsuuteqartut akornanni amerlanerupput, taakkunanngalu amerlanersaasa nakorsaatitut akuersissut nakorsamit pissarsiarisariaqarpaat.

- Inuit qularutiginngilaat ukiumi nutaami atuutilertumik cannabis'ip nakorsaatitut atugassiatut nakorsanit pissarsiarineqarsinnaalernissaa, Rikke Jacobsen oqarpoq.

Cannabis Danmarkimi aaqqiissummik misileraasoqarnissaa politikerinut akuereqqullugu kimigiisertarsimapput. Taamaattoq Rikke Jacobsenip, aaqqiissut massakkutut isikkoqartillugu nakorsat tapersiisinnaannginneri paasisinnaalluarpaa.

Kommunini nakorsamik nakorsanilluunniit marlunnik pikkorissarnikkut siunnersorneqarnikkulluunniit "cannabisimik ilisimaqalertussanik" atorfinitsitsineq pisariaqaraluartoq, taanna isumaqarpoq.

- Nakorsat nunani allani akuersissummik akuersissuteqarneq ajorput. Napparsimasut qularutiginagu nakorsanut sorlernut ilisimassaqarnissaat nakorsallu pisariaqartitanik ilisimasaqarnissaat pingaarnerpaavoq.

Taanna nakorsanut politikerinullu kaammaattuuteqarpoq aaqqiissuummik nakorsat tapersersinnaasaannik isumaqatigiittoqaqqullugu.

- Aaqqiissuteqarnissaq qaammatialunnguani kinguartikkusunneruara piffissarlu Israelimi Canadamilu qanoq iliortarnerinik paasiniaaffigalugit, Rikke Jacobsen oqarpoq.

/ritzau/