Skip to main content

Canadap orpippassuinit ikuallannermit putsup seqineq pukkilisoq kusanarluinnartunngortikkaa

Avannamut Ilulissaniit Kujataa tamaat ilanngullugu seqernup ulluni kingullerni allaanerunera innuttaasut maluginiarsimassavaat. Seqineq pujoralluinnartillugu pukkilisarpoq tarrittarlunilu, sulilu ullualunni taamaassasoq DMI ilisimatitsivoq.

Seqineq unnukkut pukkililluni aappilarujuttunngoraangat kusanarluinnartarpoq. Sumiiffinnilu arlalinni innuttaasut maluginiarsimassavaat seqineq pukkiliartuleraangami pujorattumiippasittartoq. Taamaasigaangallu arlallit assilisarsimassavaat.

- Seqernerup ullut kingulliit taamaalisarnera nalinginnaasuunngilaq. Seqernup taama pujorattumiippasitsiginera Canadami orpippassuit ikuallannerannit putsumit peqquteqarpoq, Nuullu eqqaani taamaannerulluni. Seqernup taamaasinera Ilulissaniit kujataa tamaat ilanngullugu aamma maluginiarneqarsinnaavoq, DMI-p nunatsinni immikkoortortaqarfiani silasiortoq timmisartunik sullissisartoq, Håkan Carlsson Sermitsiaq.AG-mut oqaluttuarpoq.

Taanna oqaluttuarpoq silaannaq nillertoq Kalaallit Nunaata kitaata tungaanut aqagu tikiutissasoq. Seqernullu aappilarujulluni pukkilisarnera unnugu, immaqalu aqagu, taamaallaat takuneqarsinnaassaaq.

- Seqernup aappillerluni tarrikkiartornera unnugu aamma misigineqarsinnaassaaq, immaqalu aqagu. Silaannaq nillertoq kitaanut tikiuteriarpat ikuallannermit pujoq illuariartulertussaavoq, taanna nassuiaavoq.

Putsernerusartoq

Canadami ikuallannermit pujup seqernup kissarnera aamma sunnersimagaa, DMI-p maluginiarpaa. Ullaakkut putserajunneruvoq, seqernullu kissanniaasaartarnerani pujoq illuarumaataartalersimasoq, DMI-mit maluginiarneqarpoq.

- Immikkoortortaqarfitsinnit maluginiarparput ullaakkut pujoq seqinermit nungutikkuminaannerulertoq. Seqernup kissanniarnera kigaanneruvoq, putsumullu tamanna sunniuteqarpoq. Unnukkulli pujoq aamma kigaannerusumik takkukkiartortarpoq, Håkan Carlsson oqaluttuarpoq.

Seqernup aappilarujunnera Nuummi eqqaanilu suli sakkortunerussaaq, kitaatali sineriaani aamma sakkukinnerusumik takuneqarsinnaassalluni, DMI-p nunatsinni immikkoortortaqarfianit ilisimatitsissutigineqarpoq.

Nuummi innuttaasunik nutaanik tikilluaqqusineq

Kommuneqarfik Sermersuumit Nuummi innuttaasut nutaat tamarmik tikilluaqqusinissamut qaaqqusaapput, tassani Nuuk ilisimasaqarfiginerulernissaanut periarfissaqarputit.

...

Imminut toqunnissamik pitsaaliuineq pillugu Nuummi oqaluagiartoqarnera iluatsilluartoq

Ulloq februaarip 11-anni imminut toqunnissamik pitsaaliuineq qitiutillugu paasisitsiniaalluni Nuummi Katersortarfimmi oqalugiartoqarmat, inuit 100-t tungaannut takkupput.

...
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER