Canadamiut Royal Greenland appisaluukkaat: - Innuttaasunut iluaqutaanngilaq

Kattuffiup nunanit allaneersut malunnaateqarneruniarnerat ernummatigaa, Royal Greenlandiluisornartorsiorlugu. - Kisianni ilisimasallit attuumassuteqanngitsut suliavut pillugitpitsaasuinnarmik oqaasissaqartut paasivarput, RG-mi pisortaq oqarpoq.

Royal Greenland Canadami »suliffinnik ataavartunik isumaqarluartunillu«neqerooruteqarpoq.

Inuit 15.000-t Newfoundlandimi aamma Labradorimi aalisarnermik suliaqartuupput, amerlasuullu Royal Greenlandimi suliffeqartuupput.

Royal Greenland ukiumi kingullermi annertuumik aningaasaliissuteqartoq, Canadami sineriammi inuiaqatigiinnut pitsaasumik sunniuteqartoq, nalunaarusiami annertuumi nutaami
erseqqissarneqarpoq.

Nalunaarusialli saqqummersinneqarnerani Royal Greenland nersualaarneqaannanngilaq.

Najukkami kattuffik, FFAW, Royal Greenlandip malunnaateqarneruniarneranik
oqaatigineqartumut isornartorsiuivoq.

- Piareersaasarnermik suliffeqarfissuavut tamarmik suliffeqarfissuarnit amerlanngitsunit
aqunneqarput, taakku suliffeqarfinnik minnerusunik ipitsitsiartuinnarput. Piginneqataassutaat
annertusiartuinnarput, tamatumalu suliffeqarfimmi unammilleqatigiinneq minnerulersippaat
aamma sinerissami aalisartut suliffeqarfissuarnilu sulisartut akornusersorpaat. Sinerissamilu
inuiaqatigiit nungusaataanngitsumik aningaasaqarnitsinnut akornusiivoq, kattuffiup siulittaasua Keith Sullivan tusagassiuutinut nalunaarummi, FFAW-p nittartagaani atuarneqarsinnaasumi taama oqaaseqarpoq.

Ilanngutassiaq tamaat aviisimi AG-mi sapaatip-akunnerani matumani saqqummersumi atuaruk. Ugguuna iserfigisinnaavat:

Powered by Labrador CMS