Skip to main content

Canadamit isertitarineqartartut aarlerinartorsiortut

Nuummi Blue Water Greenland kilisaatit Canadameersut coronamik ajornartorsiorneq pissutigalugu Kalaallit Nunaanni umiarsualivinnut tikeqqusaajunnaarsinnaanerannik ernummatiginnippoq. Nunatsinnimi inuiaqatigiit kaaviiaartitanik millionilikkuutaanik amerlassuseqartunik annaasaqaratarsinnaapput

Kilisaaterpassuit Canadameersut pisaminnik niusiartorlutik Sisimiuni Nuummilu umiarsualivinnut juunimiit ukiup naanissaata tungaanut nalinginnaasumik tikittarput. Coronamik ajornartorsiut kilisaatit Kalaallit Nunaanni umiarsualivinnut tikittarnerinut akornutaassanersoq pissanngatigineqarpoq.

- Canadamiummi tikittarnerat suliffeqarfinnit arlalissuarnit iluaqutigineqartarpoq, Blue Water Greenlandip pisortaa Lars Vajsse Sermitsiaq.AG-mut paasissutissiivoq.

- Kilisaammik aalisakkanik 800 tonsinik useqarluni assersuutigalugu Nuummut tikittoqaraangat taanna usingiarneqartusssaasarpoq. Tamanna usingiaasartunut suliffissaqartitsinermik qulakkeerinnittarpoq. Tamatuma tulliatut aalisakkat Danmarkimut assartorneqartussaasarput, tamatumanilu kilisaat ataaseq usingiarnermi ataatsimi containerinik Danmarkimut nassiunneqartussanik 25-nik immiisinnaasarpoq, taakkualu Royal Arctic Linep annaaratarsinnaavai, Lars Vajse nassuiaavoq isertitaqarfiillu allat aamma tikkuarlugit.

Aningaasarpassuit pineqartut

- Kilisaatimmi aamma taqussersortussaapput, ilaatigullu aamma iluarsaassinernik pisariaqartitsisarlutik. Aap, oqartussat kilisaatit tikittarnerinik unitsitsissagaluarpata aningaasarpassuit Kalaallit Nunaanni inuiaqatigiinnit annaaneqaratarsinnaasut pineqarput, Lars Vajse erseqqissaavoq.

Pissutsit arlallit paasisaqarfiginiarneqassapput. Kalaallit usingiaasartut qanoq sulisassappat kilisaatimiinnerminni tunillanneqarnissamut aarlerineqartorsioqqunagit? Qanoq Canadamiut inuttaasa paarlaattarnerat pissappat.

- Unammilligassat tamakkua qanoq isumagineqassappat aamma isumagineqarsinnaappat, Lars Vajse aperivoq.

Blue Water Greenland Kalaallit Nunaanni oqartussanut qanoq isummertoqarnissaanik suullu piumasaqaatigineqarnissannik apeqqutilliisimavoq. Akineqarnissaq pissangalluni suli utaqqineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER