Skip to main content

Campus Kujalleq: Takornarialerisugut pagganneqartarput

Campus Kujallermi takornarialerinermik ilinniagaqartut kalaallit 13-it ataasinngormat ilinniakkaminnik naammassinnillutik allagartartaarput. Suliffeqarfiit arlallit atorfinitsitsissallutik piareersimalereerput.

Kalaallit Adventure Guidetut ilinniagaqartut 13-it nunanit allanit nunatsinnut takornariartut nunatsinni qaqqani angallassinissaminnut piareersimalerput. Campus Kujallermit ataasinngormat ilinniakkaminnik naammassinnipput, ilinniarfillu amerlanernik ilinniartoqarnerorusulluinnarpoq. Campus Kujalleq tusagassiutinut taama nalunaaruteqarpoq.

Ilinniakkamik naammassinnittut forstanderimit Henrik Ebbe Nielsenimit oqalugiarfigineqarlutik ilaatigut ima oqarfigineqarput: - Ilinniagaq Kalaallit Nunaanni takornarialerinermik suliaqartunit tigulluarsimaqaaq, tamannalu isumaqarpoq takornarialerinermik suliaqartunit maanna saaffigitittalereeratta ilissi atorfinitsinneqarnissarsi pillugu. Sulisussanik piumasaqarneq ilinniartunit naammassisartunit suli annertuneroqaaq, ilinniakkaminnillu naammassinissimasut amerlalluinnartunik atorfinnik neqeroorfigitereersimalerput.

Kalaallit takornarialerisut kissaatigineqartut

Visit Greenlandip takornarialerinermi misissuinerata takutippaa nunatsinnut takornariartut kalaallinit ingerlanneqarnissartik kissaatigigaat, taamaammat ilinniarfik pilersinneqarpoq. Takornarialerinermik ilinniarfik assigiinngitsunik marlunnik ilinniarfeqarpoq, ilinniakkap aappaa tassaalluni Adventure Guide, (Misigisassarsiortitsilluni takornariartitsineq, aaqq.). 

Ilinniagaq sakkortuvoq, ukiup affaata ingerlanerani misilitsinnerit angusiffiusussat quliupput, tamaasalu angusiffigigaanni aatsaat Adventure Guidenngortoqarsinnaalluni. Taamaakkaluartoq ukioq manna angusat ajunngilluinnarput, ilinnialersummi 77 procentii ilinniakkaminnik naammassinnikkamik, tusagassiutinut nalunaarummi allassimavoq.

- Sakkortuvoq, pisariaqarporli. Uagut suliassarisimavarput kalaallit takornarialerinermik suliaqartut pikkorissut tatiginartullu ilinniartissallugit, taakkulu nunatsinnut suliartortunit pitsaanerutissallugit, Henrik Ebbe Nielsen ilinniakkaminnik naammassinnittunut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER