Skip to main content

Camp Kiattua tulunnit nersornaaserneqarpoq

Camp Kiattua inuulluataarniarfiusoq ukioq manna Adventure Hotel pitsaanerpaattut nersornaaserneqarpoq. Nersornaat ukiut tamaasa tuluit atuagassiaannit Tatlerimi tunniunneqartarpoq.

Nuup Kangerluani Kapisillit ungasinngisaanni Camp Kiattua inissisimavoq. Tammaarsimaarfik inoqannginnersamiikkaluartoq aamma ilisimanninngitsunut qaqqarsuit ilulissallu kusanartut akornanni nassaariuminaassinnaagaluartoq, nunanit allanit isiginiarneqarpoq. Tuluit atuagassiaata Tatlerip Camp Kiattua 2018-imi Adventure Hotelini pitsaanersatut toqqarpaa.

- Tammaarsimaarfimmut nunanit allanit isiginiarneqarnera piumassuseqarnartorujussuuvoq. Isumassarsiarput Greenland Venturemit taperserneqarsimammat nuannaarutigaarput, 2019-imilu tikeraartussarpassuaqarniarpasippugut. Tikeraartutta misigisaqarnerannut pitsannguutaasussanik nutaanik isumassarsiorniartuarpugut, Anika Krogh, suliffeqarfimmit Arctic Nomadimeersoq allappoq.

Tupermiinneq

Tammaarfik toqqiniippoq. Tupeq pingaarneq angisooq aamma toqqit arfinillit, tassa asimi akunnittarfik. Perusuersartarfiit allaat tupiupput aamma saunartarfiit. Naak toqqit qanganisarpasissinnaagaluartut, tikeraartut inuulluataarnartumik misigisaqartarput.

Arctic Nomad ukiut pingasut matuma siorna aallartippoq, taakkulu inuulluartaarniartartunut angalanernik aaqqissuisarput. Camp Kiattua aamma akimasunik tikinneqartarsimavoq, ilaatigut Jordanimi kunngikkormiut.

Adventure Hotelini taaneqartut ilaatigut Australiamerput, Sri Lankamit, Canadamit aamma Madagaskarimit. Tatler Magazine tuluit atuagassiarivaat, Tuluit Nunaanni pisuujunerusunut saaffiginnittoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER