mingutsitsineq
Camp Century: Kristian Jensen (V) iliuuseqarnissamik neriorsuivoq
Qallunaat nunanut allanut ministeriata Kristian Jensenip (V), sakkutooqarfiusimasumi Camp Centurymi mingutsitsiffioratarsinnaasoq misissuiffiginiarlugu iliuuseqarniarluni oqarpoq
Misissorumaarpara.
Danskit nunanut allanut ministeriat Kristian Jensen (V) ullumi mailikkut KNR-imut, nukingisaarneqareerluni neriorsuuteqarluni allappoq.
Misissorniaraa
- Silap pissusiata allanngoriartornerata Kalaallit Nunaata siunissaanut sunniuteqaatigisinnaasai, Camp Centurymi pissutsit taakkununnga ilaallutik, uannut soorunami eqqarsalersitsipput, Radioaviisimut allappoq.
- Danmarkip naalakkersuisui immikkut ilisimasallit suleqatigalugit tamakku maanna misissussavai.
KNR-imi atuaruk: Camp Centurymi pissutsit danskit ministeriata misissortinniarai
Sapaatip-akunnerini kingullerni sakkutooqarfiusimasumi Amerikamiut eqqagaat akerleriiffiusut oqallisigineqarnerat aallarteqqippoq.
Camp Centurymi eqqakkat 9.200 tonsit decembarimi 2013-imi Doris Jakobsenip (S) suliaq pimoorussiffigaa, kisianni ilisimatuussutsikkut suliniutip nutaap sakkutooqarfikumi mingutsitsingaatsiaratarsinnaaneranik nutaamik oqallisaaqqilersippaa.
Atuaruk: Misissuineq nutaaq: Sakkutooqarfik atomreaktorilik sermimit saqqummissaaq
Siumup aamma IA-p saniatigut SF aamma Enhedslisten Kalaallit Nunaanni eqqagarpassuit pillugit akerliliinikuupput, maannalu nunanut allanut ministerip apeqqummut akissuteqartariaqarneranik kinguneqarpoq.
Kristian Jensenip oqaatigaa, maanna suliaq pillugu misissuisoqaleruttortoq, 'suleriaqqinnissarlu immikkut ilisimasallit suleqatigalugit, Kalaallit Nunaatalu oqaloqatigilluarneqarneratigut Danmarkimi oqartussanit maanna misissorneqalissasoq.'