Skip to main content

Cairnip qillikkani matuvai

Umiarsuup qilleriviup Fugro Synergy-p Cairnip qilligai matoqqammerpai

Cairnip 2010-mi 2011-milu qilligai maanna matuillugit matuneqarput. Tassaapput Qeqertarsuup Tunuani aammalu Nuup avataani Lady Franklin blokkini qillikkat marluk.
Taamatut paasissutissiivoq Aatsitassanut Aqutsisoqarfik.
Qillikkat cementimik siminnillu mekaniskiusunik matuneqarput. Qillikkat qaavi ungalulianik matuneqarput qalunat assigisaallu taakkununnga nasseqqunagit.
Umiarsuup Fugro Synergy-p, 100-nik inuttallip, tamakkua piiarpai qillikkallu qaavi kipillugit, immap naqqa manissunngorlugu.

Cairn 2010-mi 2011-milu qillerinerit sioqqullugit avatangiisinik misissuisimavoq, taamaasillunilu aamma matusinermi immap naqqani avatangiisaanilu misissugassanik tigusisimalluni.
Qillerinissamut akuersissuteqarnermi imaani avatangiisinik misissuinissaq Aatsitassanut Pisortaqarfiup piumasaqaataani allassimavoq, taannalu nangeqqinneqarsimalluni Aatsitassanut Aqutsisoqarfiup Cairnimut 2013-imi apriilip 24-ianni peqqussutaani, tamannalu pivoq Dansk Center for Energi og Miljø-mi avatangiisinut siunnersuisut siunnersuinerat malillugu, Aatsitassanut Aqutsisuqarfik paasissutissiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER