Skip to main content

Café: RAL-ip matutilerpaatigut

Royal Arctic Linep qarasaasiatigut ajornartorsiuteqarnera patsisaalluni, Nanortalimmi cafép matuneqarneranik kinguneqarataannaavoq, tamannali Aalborgimit nassiussat kinguaattoornerinnaanik pissuteqanngilaq.

Immiaaqqaat toqqorsivimmiitinneqartussaangaluit tunniunneqarsimannginnerini cafemut 40.000 koruunit sinnerlugit naleqareersimasut, Café 44-mi ingerlatsisoq, Majbritt Serano paatsiveerusimaarluni, Sermitsiaq.AG-mut paasissutissiivoq.

Peqqumaatissat aprilip 18-nili tunniunneqartussaasimangaluarput

- Peqqumaatissagut aprilip 18-nili tigussagingut, nassiussanut uppernarsaammik Royal Arctic Linemit (RAL) paasissutinneqaraluarpugut. Akissarsivissat 21. aamma 28 april nallertinnagit. Maannamulli suli tigusaqarsimanngilagut, piginnittoq kamalluni oqarpoq. Illoqarfimmi kisitta immiaaqqanik tuniniaasuugatta pisisartunik annaasaqarpugut.

- RAL-imut saaffiginnissuteqaraluaanni iluaqutaaneq ajorpoq, qarasaasiatigut ajutoorsimanertik kisiat nassuiaatigisarpaat, Maibritt Serano cafemi ingerlatsisoq oqaluttuarpoq, cafe Poul Erik Frederiksenip pigisaraa.

Atuaruk: It-systemi nutaaq nassiussanut kinguaattoortitsisoq

RAL-ip annaasaqaatinik sillimmasiisarfiit aqqutigalugit taarsiisinnaannginnerat, taakku ernumassutigaat.

Kaaviiartitat affaannanngortut

- Kaaviaartitagut affaannanngorsimapput. Aningaasarpassuupput. Immiaaqqat peqqumaatissagut maajip qulingani tigusinnaassagingut paasitinneqarsimavugut, uatsinnulli immaqa kingusippallaarpoq, Majbritt Serano oqarpoq, RAL-illu siusinaarluni paasissutissiisimannginera taassuma paasisinnaanngilaa, peqqumaatissammi Nuummiik angallanneqarnissaat cafep ujartuiffigisinnaasimangaluarmagu.

RAL-i bookingsystemitaaminik ajornartorsiuteqarnera, ingammik Aalborgimi nassiussanik tunniussinersarnermik eqquinerlunneranut nutaarsiassaq pillugu, Majbritt Serano qisuariaateqarluni Sermitsiaq.AG-mut saaffiginnippoq.

Aningaasaqarnikkut malugingaa

- Aalborgimiinnaq ajornartorsiortoqanngilaq, Majbritt Serano Sermitsiaq.AG-mut oqarpoq. Royal Arctic Linemip bookingsystemitaaminnik ajutoornerat taassuma nammineerluni aningaasaqarnikkut malungisimavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER