kollektiv trafik
Bussit unitsinneqarput - qaqugu ingerlaaqqilernissaat ilisimaneqanngilaq
Issi, sakkortuumik anorlernera aqqusernillu quasannerisa malitsingisaanik Nuummi illoqarfiup bussii 10.15-miit unitsinneqarsimapput.
Sila aqqusernillu quasarnerujussuat nassuiaataavoq.
Qanoq sivisutiginissaa ilisimaneqanngitsoq
- Qaqugu ingerlaaqqilertoqarsinnaanera, oqaatigisinnaanngilarput. Pissutsit iluarsinissaat aquttutta utaqqiinnarpaat, ingerlatseqatigiiffimmi sullissisoq Sermitsiaq.AG-mut oqarpoq.
Qaquguli ingerlaartoqaleqqissinnaanera, taassuma eqqoriarsinnaanngilaa.
Tamatuma kingunerisaanik, innuttaasut bussinut ilaasartut, tallimanngornermi ualikkut angerlanialerunik ajornartorsiuteqassapput.
Taxat ulapputtut
Ingerlatseqatigiiffiup innersuussutigaa, bussit ingerlaaqqilersimanersut paasisaqarfigerusukkaani, ingerlatseqatigiiffiup nittartagaani malinnaasoqarsinnaasoq.
Bussit uninnerisa kingunerisaanik akissarviuneranilu illoqarfimmi taxartartut qularutissaanngitsumik ulapputissaaleqinavianngillat.
Aamma atuaruk: Nuummi aqqusinermi ajutoortut arlaqartut