Bussit pisortaat: Piffissamik eqquiniarneq ajornarnerulerpoq
Bussinik ingerlatseqatigiiffik Nuup Bussii nammineq angalanermut pilersaarutiminik malinnissinnaajunnaaleraluttuinnarpoq, tamannalu atuisunut pakatsinartumik utaqqisitsisarpoq.
Illoqarfiit pingaarnersaanni angallateruttulerfiup nalaani illoqarfiit bussii biilit tunuleriiaartut akornanniilersinnaasarput, taamaalillutillu angalanermut pilersaarutit naammassisinnaajunnaartarpaat. Tamanna piffissamik eqquisinnaanermut sunniuteqartarpoq, angallateruttulerfiullu nalaani piffissamik eqquisinnaaneq 10-mit 15 procentinut appariartarpoq.
Angallannermi atukkat naliginnaatillugit ingerlatseqatigiiffiup piffissamik eqquisinnaanera 90 procentimiittarpoq.
- Biilit amerlanerulerneranni aqqusernit tatisimaneqarnerulerneranni unammillernartoqartitsisaqaagut, pisortaq Mogens Nathansen, Nuup Bussii Sermitsiaq.AG-imut nassuerpoq.
Kommuni oqaloqatigineqartoq
Ajornartorsiutip iluarsineqarnissaa pillugu kommuni oqaloqatigineqartoq, taanna nassuiaavoq.
Danmarkimi illoqarfinni annerni angallaffiusuni illoqarfiup bussiinut immikkut aqqusiortoqarnikuuvoq, bussit taamaalillutik akornusersorneqarnatik angallatileruttorfiup nalaani ingerlasarniassammata. Periuseq taanna Nuummi atorsinnaanersoq suli qulaajarneqanngilaq.
- Sullorsuaq matoqqammat illoqarfik angallatileruttorfiup nalaani qanoq sunnertiatiginersoq ersarissumik takuarput. Tamanna aamma piffissamik eqquisinnaanitsinnut sunniuteqarpoq, bussinut pisortaq ilisimatitsivoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...