Skip to main content

Bundgarnersorneq ukioq manna aallartiaarpoq

Kutterit marluk ullut qulit missaasa ingerlaneranni Nuummi Royal Greenlandip suliffissuanut saarullinnik 56 tonsinik tunisipput

Royal Greenlandip Nuummi suliffissuata pisortaata Theo Didriksenip naatsorsuutigaa aasaq manna saarullinnik tunisaqartoqarluassasoq, bundgarnersornerup ukioq manna Nuummi aallartiaarnera pissutigalugu.

Kutterit marluk ullut qulit missaasa ingerlaneranni saarullinnik 56 tonsinik suliffissuarmut tunisaqarsimapput.

– Aap, bundgarnersorneq aallartilluarpoq. Siornamut sanilliullugu tunisat amerlanerujussuupput, taamanikkut bundgarnersornerup aallartinnerani 20 tonsit missaanniittut tunineqarmata, Theo Didriksen Royal Greenland.gl-imut oqarpoq.

Sulisut amerlanerusut

Saarullinnik tunisineq ingerlalluaannassappat piffissami aggersumi sulisunik amerlanerusunik atorfinititsisoqassaaq.

– Aalajangersimasumik 20-t missaannik sulisoqarpugut. Manna tikillugu sulisunik nutaanik qulit missaannik atorfitsitsisimavugut. Saarullinnik tunisilluarneq ingerlaannassappat, kutterillu amerlanerit uagutsinnut tunisisalissappata, naatsorsuutigaara piffissami aggersumi suli amerlanerusunik atorfinitsitsiumaarluta, Theo Didriksen oqarpoq.

Pitsaassusaat pitsaanerusut

Suliffissuup pisortaata ilanngullugu oqaatigaa bundgarnersornerup aallartiaarnera tunisassiassat pitsaassusaannut pingaaruteqartoq.

– Ammassat Kalaallit Nunaata sineriaanut takkutinnginneranni saarulliit pisarineqartut pitsaassuseqarnerujussuupput taamalu naleqarnerullutik. Saarulliit ammassattoraangamik orsoqarnerulersarput, tamannalu pissutigalugu saarulliit nerpiisa pitsaassusaat annikillisarluni, Theo Didriksen oqarpoq.

Nipisat suaat

Roya Greenlandip Nuummi suliffissua aamma nipisat suaannik qaleralinnillu tigooraavoq.

– Maannakkorpiarli nipisat suaannik tunisineq ingerlalluanngilaq, umiatsiaararsortulli 15-it missaanniittut qaleralinnik ataavartumik tunisaqartrput, Theo Didriksen oqarpoq.

Aasakkut ingerlalluarnerusarpoq

Bundgarnersorneq juunimi, juulimi aggustimilu ingerlalluarnersaasarpoq. Siorna qaammatini pingasuni taakkunani saarulliit 765 tonsit Royal Greenlandip Nuummi suliffissuanut tunineqarsimapput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER